POP 5

Lajmet më të lexuara të 5 minutave të fundit

Sociale

Banorët e Nivicës në Himarë: Çfarë mund të bëjë një familje me 70 litra ujë në ditë?! Pompa e ujësjellësit prej 1 viti e djegur!

Kur temperaturat shënojnë 40 gradë, banorët e Nivicës në Himarë po përballen me thatësirën. Uji në çezma shkon vetëm një herë të ditë, ndërsa banorët kryesisht të moshuar detyrohen të mbushin në çezma publike apo ta blejnë ujin e pijshëm.

Në fshatin piktoresk të Nivicës në Himarë kanë mbetur kryesisht të moshuar, të cilët tashmë kanë dhe një barrë me tepër: Të mbushin ujë në burime ose ta blejnë në dyqan, pasi në çezmat shkon me pakicë, veç një herë të ditë. Për mikrofonin e Report tv thanë se marrin vetem 70 litra ujë në ditë, ç’ka është i pamjaftueshëm për të mbuluar të gjitha nevojat që nga gatimi e deri tek higjiena.

"Ne na vjen uji një herë ditë, rreth 70 litra. Po çfarë do bëj me këtë sasi, a të laj a të shpëlaj?! Ne jemi ankuar por s'pyet njeri. Pompa u dogj që vjet dhe nuk është rregulluar", thanë banorët.

Arsyeja, sipas tyre, është tensioni i ulët i energjisë elektrike që nuk furnizon pompën e ujësjellësit. Për më tepër, një nga dy pompat e ujit është hequr që nga viti i kaluar dhe ende nuk është zëvendësuar.

Në stinën e nxehtë, mungesa e ujit është veçanërisht problematike dhe rrit rrezikun e sëmundjeve. Ata janë ankuar edhe vitin e shkuar por nuk ka gjetur zgjidhje nga bashkia dhe as ndërmarrja e ujësjellësit. Mungesa e ujit por dhe probleme të tjera, si rrjeti i amortizuar elektrik ka lënë të pa zhvilluar Nivicën, me potencial të jashtëzakonshëm turistik.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tutu: 14/07/2024 05:10

    Jemi ne kapitalizem… mblidhuni si fshat dhe e rregulloni.. keshtu funkdionon kudo ..

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Fier/ U quajt heroi i muajt tetor, pasi shpëtoi të moshuarit nga zjarri që ra në banesën e tyre, 29 vjeçari dhunon xhaxhain me sende të forta

Fier/ U quajt heroi i muajt tetor, pasi shpëtoi të moshuarit nga zjarri që ra në banesën e tyre, 29 vjeçari dhunon xhaxhain me sende të forta

2 Nëntor, 14:09