Barazim me vlera, Skënderbeu
E mbyll 1-1 me Kairat Almaty

Skënderbeu merr një rezultat shumë të rëndësishëm në Kazakistan duke barazuar 1-1 me Kairat Almati në ndeshjen e parë të turit të dytë kualifikues të Europa League.
 
Skuadra korçare ka bërë një paraqitje shumë të mirë duke e merituar barazimin dhe duke pasur një avantazh të madh për të kaluar më tej.
 
Megjithatë ishin kazakët e Kairat ata që shënuan të parët me sulmuesin kryesor Gohu që në minutën e 9-të. Më pas skuadra e Ilir Dajës e rriti ndjeshëm ritmin e lojës dhe morri dominimin e ndeshjes deri sa barazoi në minutën e 72-të me Bakari Nimaga që shtyu topin në rrjetë nga fare afër portës.
 
Ndeshja e kthimit luhet pas një jave ku Skënderbeu i ka të gjitha mundësitë për të vijuar aventurën në Europa League.


dy.b/shqiptarja.com