TIRANË - Të diel në datën 9 shkurt në orën 13:30 Partizani dhe Tirana do luajnë derbin numër 177-të në histori. Tanimë nuk ka më dyshime dhe sfida është vendosur të luhet në "Arenën e Demave".

Stadiumi i Partizanit ka një kapacitet prej afro 5 mijë ulësesh dhe është me bar artificial, ndërsa për herë të parë në histori kjo sfidë luhet në një impiant ku numri i tifozëve nuk do i kalojë 5 mijë.

Në bazë të rregullores, miqtë e Tiranës do kenë vetëm 200 tifozë në stadium. E padëgjuar më parë që ndeshja më e rëndësishme në Shqipëri të zhvillohet në një impiant që ka këtë kapacitet.

Më herët dueli ishte vendosur të luhej në orën 20:00 po të dielën, por në "Arenën Kombëtare". Për shkak se "Arena Kombëtare" nuk duket në gjendje të mirë dhe do mbahet gati për ekipin kombëtar i cili luan në mars (datën 24 kundër Andorrës), dueli është spostuar.

Në këtë takim pritet të ketë forca sigurie të shtuara. Përballja mes Partizanit dhe Tiranës do të jetë e treta për këtë sezon, ndërsa dy të mëparshmet janë mbyllur me barazim pa gola.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Janar, 11:12

    Çfarë prisni nga Viti i Ri 2026?

Lajme të tjera