Bardhi nga Berati: S'kemi nevojë për kryebashkiakë që mbushin hundët me kokainë, por që u shërbejnë qytetarëve

BERAT- Sekretari i Përgjithshëm i Partisë Demokratike, Gazment Bardhi ka qenë ditën e sotme në Berat, sipas së cilit është qarku me numrin më të madh të papunëve dhe fajtor ka reformën territoriale të qeverisë Rama. Zgjidhjen e këtij fenomeni, Bardhi e ka parë në ndryshimin e qeverisë me zhvillimin e zgjedhjeve të përgjithshme dhe lokale në të njëjtën ditë.

"Në takimin me demokratët e Beratit mësova se Berati është një nga 5 qarqet me papunësinë më të lartë në vend. Të rinjtë janë më të prekurit e kësaj gjendjeje të mjerueshme që duhet të ndryshojë duke ndalur largimin e tyre nga vendi. Mungesa e investimeve nga ana e qeverisë, sjellja skandaloze gjobëvënëse me biznesin, braktisja e banorëve të ish komunave janë disa nga arsyet e rrënimit të Beratit, Urës Vajgurore, Poliçanit, Skraparit dhe Kuçovës.

 Pothuajse në çdo takim, nga veriu në jugun e Shqipërisë, dështimi i reformës territoriale është një nga shqetësimet kryesore që ndaj me demokratët. Ata sjellin e zërin e banorëve, të cilët kërkojnë të kenë më pranë qendrën administrative, si dhe të kenë dikë me pushtet të plotë për të zgjidhur problemet e tyre", tha numri 2 i PD-së.

Teksa flet me nota ironie, Bardhi tha se vendi nuk ka nevojë për kryebashkiakë që pinë kokainë, referuar denoncimit për Lefter Allën e Bulqizës, por që krijojnë kushte më të mira për qytetarët që të mos zgjedhin të largohen nga Shqipëria.

 "Për të ndryshuar për mirë jetën në Berat, Urë Vajgurore, Poliçan, Skrapar dhe Kuçovë duhet të ndryshojmë qeverinë! Të sigurojmë kushte për zgjedhje të lira e të ndershme në të njëjtën ditë me zgjedhjet lokale për të zgjedhur dinjitozë, që nuk mbushin hundët dhe trurin me kokainë, nuk vjedhin, nuk shpërdorojnë, por u shërbejnë qytetarëve", përfundoi Bardhi.

B.K./Shqiptarja.com
  • Sondazhi i ditës:

    'Basha kryeministër e Rama president', a do të ishit dakord me këto poste për kryetarët e partive të mëdha pas vitit 2021?

Komento

Komente

  • Arbëri: 22/01/2020 17:54

    Metoda të ndyera në tentim brojtje të krimeve të veta (PD)

    Përgjigju


×

Lajmi i fundit

John

Rikthehen netët turistike në Shëngjin, pushuesit 'pushtojnë' shëtitoren e plazhit