Kryetari i Grupit Parlamentar të Partisë Demokratike, Gazment Bardhi, është shprehur se Tirana po mbytet nga plehrat, teksa sipas tij shqiptarët po vijojnë të paguajnë për një incenerator që nuk ekziston.
Përmes një postimi në rrjetet sociale, ku ka publikuar edhe pamje nga një zonë e mbuluar nga mbetjet në kryeqytet, Bardhi ka shkruar se është e papranueshme për një vend që synon anëtarësimin në BE, që të prezantohet para botës me qytete të mbuluara me mbeturina.
Bardhi ka theksuar se prania e plehrave vend e pavend në Shqipëri është modeli i qeverisjes sipas tij të papërgjegjshme të kryeministrit Edi Rama.
Reagimi i Bardhit:
TIRANA NË MBETURINA. PARATË E QYTETARËVE NË FURRËN E PUSHTETIT!
Shqiptarët vazhdojnë të paguajnë për një incenerator që nuk ekziston, ndërsa Tirana po mbytet nga plehrat. Ky është modeli i qeverisjes së papërgjegjshme: paratë e qytetarëve paguhen, shërbimi mungon dhe përgjegjësia fshihet pas propagandës.
Plehrat kanë zaptuar çdo cep të Shqipërisë, madje edhe zemrën e saj, Tiranën. Dhe ndërsa qytetarët përballen çdo ditë me këtë realitet të turpshëm, pushteti vazhdon të bëjë sikur nuk sheh, nuk dëgjon dhe nuk mban përgjegjësi.
Është skandaloze dhe e papranueshme që një vend që pretendon të anëtarësohet në Bashkimin Europian të prezantohet para botës me qytete të mbuluara nga mbeturinat dhe me miliona të paguara për një incenerator që nuk ekziston. Kjo nuk është paaftësi. Është dështim politik dhe administrativ.
Qytetarët meritojnë shërbim, transparencë dhe llogaridhënie, jo propagandë, justifikime dhe fatura që i paguajnë ata.
Tirana nuk ka nevojë për propagandë. Ka nevojë për një qeverisje që punon dhe mban përgjegjësi. Mjaft me arrogancën e pushtetit. Mjaft me shpërdorimin e parave publike. Koha për përgjegjësi dhe llogaridhënie ka ardhur.
Lajme të tjera
-
Dosja ‘AKSHI’/ Tabaku: Agasi vetëm një mekanizëm i sistemit! Hetimet të shkojnë te urdhëruesit dhe përgjegjësit politikë
29 Gusht, 14:31 -
Zbriti në Rinas me 79-vjeçaren që u kujdes për të në Siri, 9-vjeçari i bashkohet familjes në Rrogozhinë
29 Gusht, 12:03 -
Veliaj ‘shkarkoi’ Ristanin, Rama me drejtuesit politikë e deputetët e Tiranës: Takoni qytetarët
29 Gusht, 07:46
-
Kamëz/ I riu humb kontrollin e mjetit dhe përplaset me makinën e Policisë, lëndohen 2 efektivë! 26-vjeçari shoqërohet në komisariat
29 Gusht, 07:00 -
Mero Baze: Përgatitje qesharake për triumfalizëm
28 Gusht, 22:09
-
Fikja e sistemeve të trafikut ajror në Shqipëri, Aeroporti i Tiranës: Pezullimi i fluturimeve, si masë sigurie pas problemit teknik! Po punohet për rikthimin e operacioneve në normalitet
28 Gusht, 21:59 -
Jakin Marena: ‘Agora PD’, Berisha kopjon Ramën dhe shqiptarët që votojnë gjithnjë PS
28 Gusht, 18:55
-
Fiken sistemet e trafikut ajror në Shqipëri, që nga ora 17:30 anullime e vonesa për dhjetëra fluturime nga Rinasi! Albcontrol: Problem teknik, 90% e tyre u rikthyen në funksion brenda 30 minutash
28 Gusht, 18:45 -
Veliaj ‘shkarkon’ Anuela Ristanin, i heq delegimin për drejtimin e Bashkisë Tiranë: Nuk zbatoi urdhrat e mi, u kthye në pengesë për ushtrimin e mandatit (VENDIMI)
28 Gusht, 18:03 -
Fluks i lartë në Rinas, Rama publikon shifrat: 1.7 mln pasagjerë gjatë gushtit! Data 17 rekord, pritëm mbi 60 mijë udhëtarë në një ditë
28 Gusht, 16:16 -
PD: 15.1 mld lekë për koncesionin e hemodializës në 6 vite, pjesa më e madhe te privati! Do bëjmë kallëzim
28 Gusht, 16:01 -
'Serbia dhe Shqipëria pas veprimtarive hibride ndaj Malit të Zi', Bardhi i kërkon qeverisë sqarime: Përgënjeshtrojini ose tregoni çfarë po ndodh
28 Gusht, 15:13
Komente
Komento