POP 5

Lajmet më të lexuara të 5 minutave të fundit

Politikë

Reforma Zgjedhore, OSBE takim me Bardhin: Asistojmë për reformë gjithpërfshirëse! Deputeti: Farsa e rifillimit të punës, një tallje! Rama s’na lejon të përfaqësohemi

Të gatshëm për të asistuar një reformë gjithëpërfshirëse u shpreh OSBE pas takimit me Gazment Bardhin për reformën zgjedhore. Edhe Bardhi, reagoi në rrjetet sociale duke e quajtur farsë dakordësinë e dy bashkëkryetarëve Alibeaj e Gjiknuri për të rinisur punën të premten në orën 11:00.

OSBE/ ODIHR edhe një herë ka theksuar gatishmërinë se është e gatshme për të asistuar një reformë zgjedhore gjithëpërfshirëse. 

Mesazhi u përcoll edhe nga kryesuesja e misionit të OSBE përmes një postimi në rrjetet sociale, pasi përmbylli ciklin e takimeve me bashkëkryetarët e reformës zgjedhore, Damian Gjiknurin e Enkelejd Alibeajn dhe këtë të mërkurë, edhe me Gazment Bardhin.

"Pata një takim të zgjeruar me deputetët e opozitës, Gazment Bardhi, Fatmir Mediu, Oerd Bylykbashi e Petrit Vasili për të diskutuar reformën zgjedhore & zbatimin e rekomandimeve të OSBE/ODIHR-it.  OSBE është gati të asistojë një proces reforme në kohë & gjithëpërfshirës"- shkruan shefja e OSBE në rrjetin social ‘X’.

Bardhi, i cili kundërshton përfaqësimin e opozitës me Enkelejd Alibeajn në tryezën e reformës zgjedhore tha se ia bëri të qartë përfaqësuesve të OSBE, se rinisja e punës është farsë.

“Për opozitën është një tallje e madhe me shqiptarët farsa e “rifillimit të punës” vetëm nga mazhoranca, pa respektuar vullnetin e opozitës, duke ripërsëritur gjërat që u bënë njëherë si farsë edhe 2 vite më parë. Që reforma të jetë konsensuale, gjithëpërfshirëse dhe të adresojë problemet reale të zgjedhjeve, është e nevojshme që përfaqësuesit e opozitës të kenë besimin e deputetëve të opozitës, dhe jo të jenë aty si shprehje e vullnetit të Edi Ramës apo një minorance që ka mandate nga populli opozitar, por vepron e shkëputur nga interesi i popullit opozitar.”- shprehet Bardhi.

Takimi erdhi pas përplasjes në komisionin e Medias, ku Bardhi dhe Noka i hoqën mikrofonit koleges së tyre Flutura Açka, njëkohësisht kryetare të këtij komisioni. Një ditë më parë përfaqësuesit e OSBE/ODIHR u takuan edhe me Damian Gjiknurin e Enkelejd Alibeajn. Këta të fundit, pas thuajse dy vitesh, rimbledhin komisionin e Reformës zgjedhore të premten në orën 11:00. 

 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Media: Izraeli pret përgjigjen e Hamasit brenda 48 orëve

Media: Izraeli pret përgjigjen e Hamasit brenda 48 orëve

27 Prill, 22:44