POP 5

Lajmet më të lexuara të 5 minutave të fundit

Politikë

Basha: Mbështesim SPAK, që ti japi fund pandëshkueshmërisë! Këtë javë dy kallëzime ndaj Ramës

Partia Demokratike do të ri-ngrejë vendin nga situata e vështirë në të cilën ndodhen u shpreh përpara mbështetësve Lulzim Basha i cili premtoi një kulturë dhe ofertë të re politike. Një sërë akuzash pati edhe për kryeministrin Edi Rama për të cilin tha se do të bëhen 2 kallëzime penale, teksa theksoi se PD-ja mbështet SPAK që ti japë fund pandëshkueshmërisë

“Një kulturë e re politike po fillon”, kështu u shpreh Lulzim Basha në Kuvendin Zgjedhor të degës 6 në Tiranë, teksa premtoi se shumë shpejtë do të prezantojnë ofertën politike të PD-së, për të ri-ngritur vendin, ndalur emigrimin dhe për të dalë nga kriza.

‘Mundja e kundërshtarit politik nuk është qëllimi në vetvete, por është pjesë e qëllimit për t'iu ofruar shqiptarëve një politikë ndryshe, një politikë me fytyrë njerëzore. Pra një politikë e ofertës, një politikë e thelbit, e substancës. Shumë shpejt do të prezantojmë përpara jush ofertën tonë politike me ekspertët tanë.’- tha Basha.

Pandëshkueshmëria duhet të marrë fund theksoi gjatë fjalës së tij kryedemokrati Basha, për këtë arsye PD brenda javës, 2 kallëzime do të depozitohen në SPAK, për kryeministrin Edi Rama, njëra për deklaratat e Arben Ahmetaj për inceneratorët dhe tjetra për dosjen McGonigal.

“Asgjë në këtë botë nuk është perfekte, as reforma në drejtësi, as SPAK-u. Angazhimi ynë për një kulturë të re politike fillon me fundin e pandëshkueshmërisë, fillon me barazinë para ligjit. Ky është prioritet politik i Partisë Demokratike, sepse është prioritet jetik për shqiptarët dhe nga kjo buron edhe dhënia pa asnjë kompleks, pa asnjë kusht, pa asnjë rezervim e mbështetjes politike nga PD për SPAK për të kryer deri në fund misionin që është ngarkuar”, tha Basha.

Teksa foli përpara mbështetësve, Basha u ndal edhe tek situata aktuale në Partinë Demokratike që është e ndarë në dy kampe.

“Kemi qenë edhe më shumë në këtë kuvend, por një pjesë humbi durimin, e tjetra busullën për shkak të ngjarjeve politike”, tha Basha.

Basha foli edhe për reformën zgjedhore, që në thelb duhet të ketë listat e hapura, votim e numërim elektronik, barazinë e votës dhe pjesëmarrja e emigrantëve.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Linda: 18/02/2024 23:11

    Do i kete ardhur rradha e dosjes ne SPAK Bashes se filetot e pronave shqiptare me Topallin Liken dhe Shkelzenin i shqyen copa copa! E kane ne kultur te humbin gjurmet e vjedhjeve kolosale duke share dhe kercenuar!

    Përgjigju
  • drejtesia: 18/02/2024 20:43

    Mbeshtete o Lul se si berisha do perfundoshkot nuk eshte moto ndiq parane,si u bere miljarder o faqe berxolle?

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Durrës/ Shpërndante kanabis në lagjet e qytetit, arrestohet një 24-vjeçar

Durrës/ Shpërndante kanabis në lagjet e qytetit, arrestohet një 24-vjeçar

11 Janar, 10:59