POP 5

Lajmet më të lexuara të 5 minutave të fundit

Politikë

Basha: Berisha simbol i korrupsionit që po i vjen vërdallë Shqipërisë, 'virozë' që do bëjë ciklin e vet! Më 8 janar tentoi t’i vinte flakën shtëpisë sonë për karrigen e tij

Për Bashën, Berisha është një 'virus' që do të bëjë ciklin e tij e detyrimisht do të ketë dhe pasojat. Duke u kthyer edhe njëherë te protesta e dhunshme e 8 janarit, Basha tha se Berisha ishte gatu t'i vinte flakën selisë së PD-së, vetëm për karrigen.

Në takimet e tij me demokratët, Lulzim Basha i ka spostuar akuzat më së shumti në drejtim të Sali Berishës sesa Edi Ramës, që e konsideron 'armik të Shqipërisë'. Gjatë takimit me drejtues të njësisë 8 të PD në kryeqytet, Basha e konsideroi Berishën si një 'hije të shkuarës dhe simbol korrupsioni' që po i vjen vërdallë Shqipërisë duke treguar gënjeshtra, vetëm për të justifikuar atë që i ka bërë vendit për 30 vite.

"Shqipërisë po i vijnë vërdallë hije të së shkuarës dhe disa simbole të korrupsionit, duke treguar lloj gënjeshtrash vetëm për të justifikuar atë që i kanë bërë këtij vendi për 30 vite me rashë. Vetëm për të kamufluar shkakun e largimit ët shqiptarëve nga shtëpitë e tyre. Këto hije të së shkuarës janë bërë një peshë e tepërt për çdo familje shqiptare. Janë lodhur shqiptarët duke dëgjuar të njëjtat mashtrime. Një politikë që i ka lodhur njerëzit, i ka shkatërruar nga nervat, i ka dëshpëruar", tha Basha.

Për Bashën, Berisha është një 'virus' që do të bëjë ciklin e tij e detyrimisht do të ketë dhe pasojat. Duke u kthyer edhe njëherë te protesta e dhunshme e 8 janarit, Basha tha se Berisha ishte gatu t'i vinte flakën selisë së PD-së, vetëm për karrigen.

"Shikoni se çfarë ndodhi në shtëpinë tonë, Sali Berisha filloi një lëvizje të tërë vetëm për hallin e tyre personal, ishte gati t'i vinte zjarrin shtëpisë sonë për hallet e tij personale, vetëm për karrigen. Njerëzit e kanë kuptuar. E keqja do ta bëjë ciklin e vet, si çdo virozë e do ketë dhe pasojat. 8 janari i hapi sytë të gjithëve pse mora atë vendim dhe pse ishte i drejtë", u shpreh kryedemokrati.

Që pas përjashtimit të Berishës nga grupi parlamentar i PD-së, ai dhe Basha janë tashmë në një luftë të hapur ndaj njëri-tjetrit. Teksa të dy pretendojnë se kanë shkarkuar njëri-tjetrin, Basha dhe Berisha do të garojnë secili me kandidatët e tyre në zgjedhjet e pjesshme lokale më 6 mars.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasan Pordha: 22/01/2022 21:48

    Berisha dhe Basha jane si variantet Delta dhe Omicron te Covid-19

    Përgjigju
  • gref: 22/01/2022 15:24

    ik o lul brava se ty ste dhjen njeri, do humbesh si mos me keq prape ne 6 mars edhe do felliqesh fare si njeri

    Përgjigju
    • Gorb: 22/01/2022 20:33

      Do jete loje e piset nga rama..me siguri do ja jape nje dore...

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Zgjedhjet 2025/ Begaj: I kënaqur që faktori politik u përfshi si drejtpërdrejtë, ashtu dhe tërthorazi! Kthejini zgjedhjet e pranverës së ardhshme në histori suksesi

Zgjedhjet 2025/ Begaj: I kënaqur që faktori politik u përfshi si drejtpërdrejtë, ashtu dhe tërthorazi! Kthejini zgjedhjet e pranverës së ardhshme në histori suksesi

25 Nëntor, 14:18