Basha dhe Berisha harrojnë Olldashin, asnjë mesazh kujtimi në 8-vjetorin e vdekjes! Nga poezitë, te kënga dhe bisedat e fundit, si e kujtuan miqtë e vërtetë ish-demokratin

 

Ky i fundit, i ka kushtuar disa vargje të ndjera. “Sokol” i ka titulluar ato.

“Sokol!
Të të shikoja, desha sot,
Në ditën kur ti u nise,
Kur tinëz ike nga kjo botë,
Dhe botën qesëndise.
Të të llafosja doja shumë,
Por heshtja jote step
Kjo botë veç gërryen si një lumë,
Ti bardhësisht je mbret.
Ndaj dorën zgjata si gjithnji
Nën plisin që di veç unë,
Mora cigaren që drodhe ti,
…dhe lotët rrodhën lumë.
Mos qesh, mos shih me qesëndi,
Nga dhimbja që ndjej unë,
Është mall, sa mall, o Perëndi,
Që plas, që çan dhe gurë”, shkruan Bode.

Të tjerë kanë zgjedhur që të kujtojnë momentet e fundit që kanë kaluar më Olldashin.

“Bisedat e mbrëmjeve të vona, me Sokolin, pas zgjedhjeve për kryetarin e Partisë Demokratike në 2013, kishin trishtim, reflektim, projeksione për të ardhmen …
Midis shumë gjërave të mençura të tij, kujtoj si sot: “- Do të vijë një ditë dhe do të shohim…!”Profecia u bë realitet ! I paharruar kujtimi yt, Kol Olldashi!”, shkruan Igli Cara.

“Tetë vite më parë, në këtë orë, në këtë datë pimë kafen bashkë me dy miq të përbashkët. Kush do e mendonte dhe besonte që kjo ishte kafja e fundit me ty. Sokol Olldashi do mbahet mend gjatë mes demokratëve sepse ai ishte një prej nesh. Në të mirë e në të keq, në sakrifica, protesta, Sokoli ishte ndër të parët. Kështu do e kujtojmë gjithnjë”, shkruan Lefter Gështenja.

Olldashi është kujtuar edhe nga demokratë të tjerë me një fjali të thjeshtë, por që në raste të tilla shpreh shumë.

 “I paharruar Sokol Olldashi! Na mungon shume!”, shkruan Luan Baçi.

“I paharruar”, shkruan Ivi Kaso.

“Vitet ikin…… Koha ecën….. Por ti ngelesh mes nesh, në kujtime, në shpirtin dhe zemrat tona Koli! Malli për ty vetëm shtohet…”, shkruan Flamur Noka.

Nga ana tjetër, në mesazhin e saj, Majlinda Bregu, ka publikuar një foto të Olldashit mendueshëm ku shkruan “Ça po mendon aman?...

Ish-deputeti i Partisë Demokratike, Sokol Olldashi, humbi jetën mbrëmjen e 20 nëntorit 2013 në një aksident automobilistik. Olldashi po kthehej nga Elbasani në drejtim të Tiranës me automjetin e tij tip “Mercedez Benz S”, me targë AA 003 NH. Kur i kishin mbetur edhe 22 kilometra për të mbërritur në shtëpi, makina e drejtuar prej tij rrëshqiti dhe përfundoi në humnerë në anën e djathtë të rrugës. Aksidenti tragjik ndodhi pranë Lapidarit të Krrabës në orën 21 e 18 minuta. Ky është orari kur deputeti demokrat Igli Cara i ka telefonuar sallës operative të Policisë së Tiranës, duke i lajmëruar që të shkonin në vendngjarje pasi Olldashi ishte aksidentuar. Sipas ekspertizës së kryer në vendngjarje, makina e ish-deputetit Olldashi ka rrëshqitur për rreth 100-150 metra, duke marrë përpara dy shufra të sinjalistikës rrugore në anën e djathtë të rrugës dhe më pas gomat e krahut të pasagjerit kanë dalë jashtë rruge.

B.K.//Shqiptarja.com

TAG:
• lulzim basha
• sali berisha
• sokol olldashi
• perplasja berisha basha
• flamur noka