Basha do lista 100 % të hapura, Rama: Gjysmë hapi pozitiv, detajet i diskutojmë pas votimit

Edi Rama e cilësoi si gjysëm hapi pozitiv vendimin e Bashës për dakordësinë për hapjen e listave, por debateve nëse do të hapen 2/3 sikur kërkon PS-ja apo 100% sikur kërkon PD, kjo do të vendoset pas 30 korrikut në ndërhyrjet që do të bëhen në Kodin Zgjedhor, ndërsa brenda këtij sesioni do të miratohen ndryshimet në kushtetutë për formulën e re të koalicioneve, pika kyçe ku ndahen palët.

"Pozitiv gjysëm hapi i LBPD për hapjen e listave, që është thelbi i risive kushtetuese! Si e sa do hapen nga jo më pak se 75% në 100% kjo i takon diskutimeve pas 30 korrikut! Deri në 30 korrik ka rëndësi hapja e sotme e LBPD për listat, çka vetëm votimi 30 korriku e garanton. Sa për koalicionet parazgjedhore ato nuk do të ndalohen, thjesht do të standardizohen si kudo në Europë,po edhe kjo do të shkruhet e votohet pas 30 korrikut,kështu që për sot i vetmi ndryshim është hapja e LBPD ndaj risisë kushtetuese që do të sjellim në 30 korrik!Mjaft pozitive", shkruan Rama.

Lajmi kryesor:

Basha pranon listat e hapura 100%, por kushtëzon: Të mos preken koalicionet! Rama: Më 30 korrik kalojnë ndryshimet kushtetuese, detajet për listat i diskutojmë pas votimit

TAG:
• lulzim basha
• PD
• selia blu
• Aleatet e djathte