POP 5

Lajmet më të lexuara të 5 minutave të fundit

Politikë

Basha: Ekonomia në ciklin më të
 zi, Rama krihet para kamerave

Lulzim Basha e konsideron si të vështirë situatën ekonomike që po kalon vendi dhe sipas tij përgjegjës direkt është Edi Rama. 
Basha: Ekonomia në ciklin më të<br /> zi, Rama krihet para kamerave
Lulzim Basha e konsideron si të vështirë situatën ekonomike që po kalon vendi dhe sipas tij përgjegjës direkt është Edi Rama. 

Kryetari i Partisë Demokratike ka dekluar sot se shifrat zyrtare të Bankës Botërore tregojnë se kreditimi i ekonomisë në korrik 2016 ra me 0.3% krahasur me një vit më parë. Nëpërmjet një statusi në "Facebook", Basha deklaron se ekonomia po vazhdon të tkurret.

Basha thekson se gjatë muajit korrik kreditimi ra me 0.5% krahasuar me muajin qershor, dhe kjo sipas tij vjen si pasojë e uljes me 1.2% të kreditimit të bizneseve.

"Lajme të këqia vijnë nga ekonomia e vendit që vazhdon të tkurret e të dobësohet.
Shifrat zyrtare te Bankës së Shqipërisë konfirmuan se kreditimi i ekonomisë në korrik 2016 ra 0.3% krahasuar me një vit më parë. Kjo ka ardhur si pasojë e uljes me 1.7% të kreditimit për bizneset. Krahasuar me një vit me parë, por edhe nga muaji në muaj situata vjen në përkeqësim.
Gjatë muajit korrik kreditimi ra me 0.5% krahasuar me muajin qershor, dhe kjo si pasojë e uljes me 1.2% të kreditimit të bizneseve", deklaroi Basha.
 
Sipas kryedemokratit Basha, rënie e kreditimit do te thote më pak vende pune për qytetarët dhe më pak konsum. Sipas tij, vetëm në muajin maj dhe qershor 4 mijë binzese ndaluan aktivitetin.

"Rënia e kreditimit do të thotë rënie e investimeve, më pak vende pune, më pak konsum, më pak prodhim. Të gjitha shenja se ekonomia dhe biznesi kanë hyrë në ciklin e zi të krizës së madhe. Vetëm në muajt maj dhe qershor 4 mijë biznese ndaluan aktivitetin.
Rënia e kreditimit është sinjali më i fortë i mosbesimit dhe panikut që ka mbërthyer ekonominë e biznesin.
Ekonomia dhe biznesi sigurisht do të njohin rënie e zvogëlim, sepse duhet të përballojnë dy realitete të paligjshme, ekonominë e biznesin e korrupsionit qeveritar dhe ekonominë e biznesin e drogës", theksoi Basha.

Sipas Bashës ekonomia dhe biznesi po falimentojnë pasi koncesionet po i marrin një grup oligarkësh, miq të Ramës. Basha deklaron se bandat e drogës po fitojnë miliona euro në këmbim të taksës 30% për çdo rrënjë.
 
"Ekonomia e biznesi i ndershëm është drejt falimentimit sepse të gjithë tenderat, koncesionet, pasuritë e paratë e shqiptarëve i marrin një grusht oligarkësh, që janë fitues të paracaktuar si miq të Edi Ramës.
Ekonomia e biznesi i ndershëm është drejt mbylljes së qepenave e në vend të tyre lulëzom biznesi i bandave të drogës të cilët fitojnë miliona euro cdo muaj në mënyrë të paligjshme, dhe kanë licencën e Edi Ramës në këmbim të taksës 30 përqind për cdo rrënjë", shkruan Basha në "facebook"

Sipas kryedemokratit, Peshkopia ka dy ditë pa ujë, pasi uji i pijshëm shkon për vaditjen e drogës.
 
"Dje foli për arritjen e madhe, se ka dërguar ujë për vaditje atje ku nuk shkonte prej 20 vitesh. Po është e vërtetë, është uji që shkon për të vaditur parcelat me drogë, në vende ku nuk ishte parë e dëgjuar në këto 20 vite. Peshkopia ka dy ditë pa uje. Po kështu dhjetëra qytete e mijëra fshatra anembanë vendit.
Ky realitet i ka bërë shqiptarët më të vetëdijshëm se kurrë për keqeverisjen, për krimin e korrupsionin. Ka rrugedalje, ka shprese, ka zgjidhje. Largimi i të keqes që ka kapur peng vendin është hapi i parë", mbyll deklaratën e tij në "Facebook" Basha.


Redaksia Online
Al.Ç/Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54