Masat anti-COVID janë shkelur të gjitha në një aktivitet që ka zhvilluar kreu i PD-së Lulzim Basha në Kavajë.
Basha ka mbledhur me qindra demokratë në shesh për një miting elektoral, duke shkelur kështu Aktin Normativ të qeverisë por edhe vendimet e Komitetit Teknik të Ekspertëve për luftën kundër koronavirusit. Vetë Basha por edhe pjesa më e madhe e të pranishmëve duket se janë edhe pa maska.
Basha është ngjitur mbi makinë, dhe me dy gishta lart ka përshëndetur të pranishmit.
“Zëri i Kavajës, zëri i ndryshimit. Shqipëria fiton! Rama ik!”, deklaroi Basha.
Kujtojmë se Komiteti i Ekspertëve ka ndaluar grumbullimet mbi 10 persona për shkak të situatës së rëndë të krijuar nga pandemia e koronavirusit.
Kreu i Partisë Demokratike, Lulzim Basha, ka zhvilluar këtë pasdite takime me biznese dhe qytetarë, në qytetin e Kavajës, me të cilët ka diskutuar mbi problematikat kryesore të jetës së tyre të përditshme.
Mes të tjerash, Basha iu është drejtuar qytetarëve të Kavajës, duke iu thënë se “Zëri i Kavajës ka qenë zëri i ndryshimit, gjithmonë dhe kёshtu do tё jetë edhe kësaj radhe”. Por ndryshe nga takimi i parë ku u shkelën masat anti COVID, Basha në këtë takim ka porositur qytetarët që të ruajnë distancën.
“Njё porosi ju lutem, mbajmё pak distancë sepse jemi shumë afër njeri-tjetrit. Ju falënderoj nga zemra. Bashkё pёr ndryshimin. Rama ik! Shqipёria fiton”, tha Basha më tej duke u kërkuar të mbajnë distancën.
I shoqëruar nga drejtuesja politike e kësaj zone, Grida Duma, Basha është pritur shumë mirë dhe ka qenë shumë entuziast gjatë gjithë kohës. Ata fillimisht u futën në një sallon me fustane nusërie. Pronarja e biznesit u ankua se sivjet nuk ka patur asnjë dasmë për shkak të pandemisë.
Kryetari i opozitës u shpreh se fokusi i qeverisë që do dalë nga zgjedhjet e 25 prillit do të jetë ringritja ekonomike dhe mbështetja e lehtësimi i bizneseve.
“Gjëja e parë që do të bëjmë është që të investojmë, që ekonomia të fillojë, të punojë në mënyrë që të rritet fuqia blerëse e njerëzve, t’i rikthehen normalitetit, t’i rikthehen mundësisë për të fituar gëzime dhe në veçanti do të jetë në vëmendje biznesi dhe sipërmarrja e grave. Për sipërmarrjen e grave ne do të kemi masa të veçanta të cilat do t’ju mbështesin dhe do t’ju mundësojnë që gruaja shqiptare jo vetëm të mos shkurajohet, por të inkurajohet për të qenë pjesë e ekonomisë shqiptare”, tha Basha.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11
O klloun, me keto 5 kavajas islamike me moshe mesatare 65 vjeç do e rrezosh Ramen ti
Përgjigju