Basha i përgjigjet Ramës, shpërndan postimin e zyrtares së BE dhe nxin Shqipërinë: Renditet mes Egjiptit dhe Afganistanit

Basha në selinë blu

Kryedemokrati Lulzim Basha i është përgjigjur kryeministrit Edi Rama i cili më herët përmes një editoriali në Politico.eu shprehu ambicien dhe suksesin e Shqipërisë drejt integrimit në BE. Editorialin e Ramës në lidhje me integrimin, e shpërndau në Twitter edhe zyrtarja e lartë e BE, diplomatja Angelina Eichhorst, postim të cilit Basha i shton disa akuza, duke thënë se nuk jemi një vend demokratik.

Basha ka publikuar në rrjete sociale disa grafikë, të cilët sipas tij pasqyrojnë raportin e World Justice Project, Bankës Botërore si dhe BERZH-it, sa i përket korrupsionit dhe sundimit të ligjit.

Postimi i Bashës në Twitter

Në lidhje me sundimin e ligjit, kryedemokrati Basha thekson se jemi mes Afganistanit dhe Kazakistanit, për indeksin e korrupsionit jemi mes Egjiptit dhe Zambisë, ndërsa për nivelin e rryshfetit jemi midis Zambisë e Marokut.

“Renditja e Shqipërisë sipas Projektit të Drejtësisë Botërore si dhe BB dhe BERZH: Sundimi Ligjit: Midis Kazakistanit dhe Afganistanit; Indeksi i Korrupsionit: Midis Egjiptit dhe Zambisë; Niveli i Ryshfetit: Midis Zambisë dhe Marokut. Përcaktimi është i nevojshëm për t’u përballur me autokratët e korruptuar të BB”, shkruan Basha.

Basha shprehet se nevojitet vendosmëri për t'u përballur me autokratët e korruptuar të Ballkanit Perëndimor. Kujtojmë se më herët, në një editorial për Politico.eu., kryeministri Rama i ka dhënë 4 këshilla BE, ku kërkon projekte ekonomike dhe mbështetje për të krijuar treg të përbashkët rajonal, ndihmë për krizën energjetike dhe programe të përbashkëta për arsimin e lartë.

Grafikët e publikuar nga Basha në Twitter

 

 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pjeter: 25/10/2021 13:08

    Kush kush e nxin Shqiperine? A nuk ishte ky Hollandezi qe bridhte zyre me zyre ne per europe kunder Shqioerise? Po Bumçin e harroi ky? E Lulush, po shqiptaret nuk jane debila si ata qe te vijne rrotll,prandaj nuk ke per te fituar kurre ti,ke qene,je, e dote ngelesh nje humbes patollogjik dhe parazit i ketj vendi.

    Përgjigju
  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

VIDEO/ COVID 3 i mbuluar nga tymi, mjekët dhe pacientët në panik