I hodhi poshtë planin me 7 pika, Basha i përgjigjet Ramës: Sot Sudja është kryeministri, ka qethur flokët dhe ka lënë mjekër! U merr lekët qytetarëve e s’ua kthen

Lulzim Basha, i është përgjigjur komentit të kryeministrit Edi Rama, i cili planin e PD-së për daljen e vendit nga kriza e cilësoi si propozime në kohën Sudes dhe firmave piramidale. Basha tha se vetmja Sude sot është Rama, pasi sipas tij u merr lekët qytetarëve dhe nuk ua kthen.

‘Sudja është ajo që merrte lekët njerëzve? Kështu dhe i mbante për vete! Sudja ishte një person që i merrte lekët njerëzve dhe i merrte për vete. Sudja ka prerë flokët, ka lënë mjekër dhe quhet Edi Rama. Këtë bënte dhe Sudja, këtë bente dhe Vehbiu, këtë ben sot Edi Rama. U merr lekët qytetarëve dhe s’ua kthen. Ky kapet pas karriges së kryeministrit, ajo ishte një hajdute ordinere, ky është kryeministri i vendit. Çfarë nuk ka bërë që të rri në atë karrige, dashni me personat e listës së zezë, masakër zgjedhore. Kujt i bie të jetë Sudja sot, është Edi Rama.’- tha Basha

Lajmi kryesor:

Emergjenca energjetike, Basha: Krizë korrupsioni e keqmenaxhimi! Qëllimi i Ramës t'u bëjë presion qytetarëve për të rritur çmimin! 30% e naftës hyn kontrabandë, gati kallëzimi në SPAK

M.Q./r.k./Shqiptarja.com

TAG:
• edi rama
• lulzim basha
• PD
• spak
• Jorida Tabaku
• nafte
• Alfred Rrushaj
• kriza energjetike