POP 5

Lajmet më të lexuara të 5 minutave të fundit

Politikë

Basha këmbëngul te numërimi e
votimi elektronik, OSBE kundë

Kreu i Partisë Lulzim Basha shprehet se mënyra e vetme që zgjedhjet të jenë të lira dhe të ndershme është votimi dhe numërimi elektronik.  VIDEO
Partia demokratike vijon të këmbëngulë tek votimi dhe numërimi elektronik për zgjedhjet e qershorit. Sipas Lulzim Bashës, kjo është mënyra e vetme për të mos vjedhur votat.
 
"Është i thjeshtë, i pamanipulueshëm, i provuar dhe plotësisht i realizueshëm dhe me kosto më të ulët se sistemi që kemi. Zgjedhje të ndershme pa votim elektronik mund të ketë aq sa ka sot shëndetësi falas. Të besosh tek Edi Rama për zgjedhje të ndershme pa votim elektronik është njësoj sikur t’i besosh fjalëve të Edi Ramës se Elvis Rroshi është i pastër dhe i ndershëm”, shkruan basha në facebook.
 
Por ky pretendim i tij është hedhur poshtë nga OSBE e cila nëpërmjet një shkrese zyrtare të siguruar nga Report TV, drejtuar Komisionit të Posaçëm të Reformës Elektorale e sheh të pamundur elektronikën, ashtu siç sheh të pamundur dhe aplikimin e listave të hapura, kërkesë kjo e LSI-së.
 
“Është shumë vonë për Komisionin e Reformës Zgjedhore që të adresojë të gjitha çështjet e pazgjidhura dhe rekomandimet e mëparshme në përmirësim të legjislacionit zgjedhor“, shkruhet në letrën e OSBE –së e cila megjithatë kërkon që të ndërhyhet sa më parë në miratimin e amendamenteve që sigurojnë transparencë të partive politike në fushatë, garantimin e kuotave gjinore, forcimin e sanksioneve ligjore për shkelësit e ligjit zgjedhor dhe përmirësimin e kuadrit ligjor të mbulimit mediatik të fushatave elektorale.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03