Basha:Kuvendi miratoi kërkesat 
​tona, pas presionit ndërkombëta

TIRANË - Kreu i opozitës, Lulzim Basha ka reaguar përmes rrjetit social “Facebook” për seancën e sotme Parlamemntare ku miratuan edhe ngritja e dy Komisioneve Hetimore, atë për serverin e tatimeve dhe për administratën publike.

“Sot, falë presionit ndërkombëtar dhe vendosmërisë sonë, u njoftua nxjerrja nga sirtarët dhe vënia në rendin e ditës e dy kërkesave të vjetra të opozitës për ngritjen e dy komisioneve hetimore.” – shkruan Basha në ‘Facebook’ ndërsa thekson se sot mazhoranca vendosi të zbatojë Kushtetutën.
  
Më tej ai shpreh mosbesimin te mazhoranca për vijimësinë e respektimit të vendimeve të Gjykatës Kushtetuese dhe të Kushtetutës.

“Po çfarë garancish ka se nuk do t’i shkelin prapë, siç kanë bërë kur kanë shkelur e grisur konsensusin për ligjin e nëpunësit civil dhe vendimin e gjykatës kushtetuese për këtë çështje? Asnjë garanci.”- shprehet Basha.
 
Gjithashtu ai ka reaguar edhe ndaj fjalës së Kryeministrit Rama për mospjesëmarrjen e opozitës në Parlament. Basha shton se opozita ka ndërprerë marrëdhëniet me Kuvendin e jo për t’i vënë njolla, por për të mos u pajtuar me njollat.

“Në lidhje me dekriminalizimin e Kuvendit, zoti Rama vazhdon të mos e shohë të vërtetën drejt në sy. Vazhdon të fshihet pas gjethes së fikut, vazhdon të bëjë dorëjashtin, kur është ai autori dhe përgjegjësi numër një i promovimit të trafikantëve në politikë, në administratën e lartë dhe brenda në Kuvend.”- shton Basha.


Fjala e plotë e kreut të PD në rrjetin social "Facebook" 


Redaksia Online
(a.h/shqiptarja.com)

TAG:
• OSBE