Basha me të rinjtë: Durrësin do ta kthejmë në një perlë të Mesdheut! Më votoni largojmë Ramën, që të shijoni vendin tuaj e jo të ikni

Kreu i PD Lulzim Basha pasditen e sotme ka zhvilluar një takim me një grup të rinjsh në Durrës, ku u kërkoi ta votojnë më 25 prill, për të sjellë ndryshimin, sidomos për të rinjtë.

Sipas Bashës vendimi në 25 prill nuk ka të bëjë me Ramën apo me vetë Bashën, por për përfitime për të rinjtë, ndërsa përmendi këtu pagat.

“Kush do të përfitojë më shumë nga ky ndryshim sesa vetë ju, të rinjtë. Në planet tona, gjithçka që ka të bëjë me sfidat, dilemat zënë një vend kryesor për t’i adresuar, plotësisht të financueshme dhe koordinuara edhe me Europën, partnerët tanë, për arsimin dhe punësimin me paga të larta, në rastin tuaj me Durrësin e mrekullueshëm, që do ta vendosim në dispozicion jo thjesht të rimëkëmbjes nga tërmeti, por kthimin në një perlë të Mesdheut.

Vendimi në 25 prill nuk ka të bëjë me Edi Ramën apo Lulzim Bashën, por nëse do të arrini të keni paga dinjitoze, për të ushtruar talentin tuaj dhe shijuar jetën në vendin tuaj apo ju duhet të merrni para borxh për t’u paketuar si sardele për të shkuar me kamionë në Angli” tha ai.

Lajmi kryesor:

Basha me banorët e prekur nga tërmeti në Durrës: Pas 25 prillit do të hetojmë abuzimet në rindërtim

//Shqiptarja.com

TAG:
• Durres
• lulzim basha
• PD
• rindertimi
• Fushate elektorale
• zgjedhjet parlamentare 2021
• programet politike 2021