POP 5

Lajmet më të lexuara të 5 minutave të fundit

Politikë

Basha me zyrtarin austriak: 9 kushtet e Bundestagut, rruga e vetme për daljen nga kriza dhe hapjen e negociatave

Presidenti i Parlamentit të Austrië, Wolfgang Sobotka u shpreh se plotësimi i 9 kushteve të Bundestagut janë e vetmja rrugë për daljen nga kriza e thellë politike e institucionale që po kalon vendi, por edhe për të zhbllokuar rrugën e integrimit europian të Shqipërisë.

Basha me zyrtarin austriak: 9 kushtet e Bundestagut, rruga e vetme për daljen nga kriza dhe hapjen e negociatave

Presidenti i Parlamentit të Austrië, Wolfgang Sobotka u shpreh se plotësimi i 9 kushteve të Bundestagut janë e vetmja rrugë për daljen nga kriza e thellë politike e institucionale që po kalon vendi, por edhe për të zhbllokuar rrugën e integrimit europian të Shqipërisë.  Gjatë takimit që zhvilloi me kryedemokratin Lulzim Basha, ai u njoh me shqetësimet e opozitës lidhur me mungesën e demokracisë funksionale në vend dhe mungesën e organizimit të zgjedhjeve të lira e të ndershme, ku të dyja palët ranë dakord se reforma zgjedhore dhe organizimi i zgjedhjeve të lira dhe të ndershme janë themelore për gjendjen që po kalon vendi.

'Kryetari i Partisë Demokratike i prezantoi Presidentit Sobotka shqetësimet e opozitës lidhur me mungesën e demokracisë funksionale në vend, kapjen e shtetit, mosfuksionimin e institucioneve, mungesën e organizimit të zgjedhjeve të lira e të ndershme, rënien ekonomike, shpopullimin e Shqipërisë, si dhe bllokimin e procesit të integrimit europian të vendit' thuhet në njoftimin e zyrës së shtypit të PD.

Basha dhe Sobotka patën dakortësi të plotë se 'udhërrëfyesi më i mirë për daljen nga kriza e thellë politike e institucionale që po kalon vendi, por edhe për të zhbllokuar rrugën e integrimit europian të Shqipërisë, është zbatimi i 9 kushteve të Bundestagut', ku kryedemokrati theksoi se PD është e angazhuar 'për të realizuar detyrimet e saj me qëllim hapjen e negociatave për Shqipërinë'.

Zyratri i lartë austriak nënvizoi dhe rëndësinë e rolit të medias në shoqëritë demokratike duke theksuar se 'në Shqipëri duhen bërë përpjekjet maksimale për fuqizimin e medias së lirë dhe lirisë së shtypit në përgjithësi dhe se çdo përkjekje në të kundërt do të ishte në dëm të interesit të vendit'.

Kryetari i PD, Basha duke shprehur përkrahjen e plotë të opozitës për forcimin e bashkëpunimit dypalësh e falenderoi Presidentin për kontributin e Austrisë në ndihmë të procesit të integrimit të Shqipërisë në BE. Basha i shprehu Presidentit Sobotka besimin se Republika mike e Austrisë do të luajë një rol aktiv mbështetës për hapjen e negociatave me Shqipërinë gjatë presidencës Kroate, njofton zyra e shtypit të PD.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbeni: 07/03/2020 19:48

    I lutemi zoterinjve nga austria te mos vijne te takojne politikanet tane,,a e dini se jane te korruptuar dhe kriminele,,a e di ti z,sobotka se basha i ka duart me gjak shqiptari..prandaj mos hajdeni ne shqiperi..

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51