POP 5

Lajmet më të lexuara të 5 minutave të fundit

Politikë

Basha: Monitorimi i FMN ndihmë
për politikat abuzive ndaj biznesit

Paraditen e sotme kreu i PD-së Lulzim Basha është takuar me shefen e misionit të FMN-së për Shqipërinë Anita Thuludhar dhe përfaqësuesin e përhershëm në Tiranë, Jens Reinke. VIDEO
Basha: Monitorimi i FMN ndihmë<br />për politikat abuzive ndaj biznesit
Paraditen e sotme kreu i PD-së Lulzim Basha është takuar me shefen e misionit të FMN-së për Shqipërinë Anita Thuludhar dhe përfaqësuesin e përhershëm në Tiranë, Jens Reinke.
 
Basha është shprehur se Prezenca e FMN-së do të ndihmonte me një monitorim dhe mbikëqyrje të politikave abuzive ndaj biznesit.
 
Sipas deklaratws pwr shtyp nga PD, "shefja e misionit të FMN, Thuludhar dhe përfaqësuesi Tiranë, Jens Reinke shprehën vlerësimet e tyre për rolin e opozitës në mbikëqyrjen dhe kontrollin e qeverisë gjatë katër viteve të shkuara".
 
“Basha falenderoi FMN-në për bashkëpunimin dhe i infomoi në lidhje me raportin e OSBE-ODIHR. Blerja e votës, përdorimi i burimeve publike, presioni mbi votuesit fatkeqësisht vazhdojnë dhe mbeten problemet kryesore që shoqëruan procesin zgjedhor”, shkruan zyra e shtypit të PD.

“Kjo krizë në këtë fillim të legjislaturës shoqërohet dhe nga shqetësimet për situatën ekonomike ku niveli i lartë i borxhit, në 71% të PBB së bashku me nivelet e ulëta të mbledhjes së të ardhurave, janë duke ndikuar në të gjithë treguesit e tjerë ekonomikë. Papunësia ndër të rinjtë vazhdon të mbetet e lartë, dhe biznesi ka tkurrur veprimtarinë e tij duke mos marrë vendime për zgjerim. Kjo, e shoqëruar me një nivel shumë të ulët të investimeve të huaja, bëjnë të mundur që sektori privat të mos jetë më punëdhënës me kërkesë të lartë.

Numri i të larguarve nga Shqipëria prej rreth 270 000 vetësh është treguesi kryesor që ekonomia po lëngon, dhe fatkeqësisht nuk ka asnjë perspektivë pozitive në horizont. Politikat e ngrirjes së pagave dhe rritjes së ulët të pensioneve kanë shkaktuar në rastin më të mirë mosngritje të fuqisë blerëse, dhe një pjesë e madhe e personave me të ardhura të ulta kanë vërejtur ulje të konsumit.

Qeveria ka dështuar me investimet publike, ku akse kryesore sot janë akoma të papërfunduara, dhe niveli i tyre është në minimumin historik të 10 viteve të fundit.
Në këtë klimë vjen dhe fushata kundër informalitetit e qeverisë e cila në të shkuarën ka sjellë shqetësime të mëdha tek bizneset. Kjo fushatë do të jetë e drejtuar ndaj tatimpaguesve biznese të vogla dhe do të vazhdojë të lejojë abuzuesit e mëdhenj që operojnë me mbështetjen e qeverisë.

Bizneset shqetësohen nga taksat e larta, nga sistemi i komplikuar fiskal dhe nga burokracia dhe korrupsioni që vjen nga nivele të larta. Tenderimet korruptive që kanë mbledhur paratë publike tek një grusht njerëzisht kanë përjashtuar nga tregu shumë biznese serioze.

Shqetësues është dhe projekti i 1 miliardë Euro koncesione që qeveria ka lançuar, ku do të kemi përqëndrim të fondeve publike dhe në më pak duar, por ajo që është akoma më shqetësuese është ndikimi që do të ketë tek borxhi publik.

Në këto kushte, Partia Demokratike do të mbështesë një program tjetër me FMN-në ku kontrolli është i nevojshëm të jetë akoma dhe më i fortë për shkak të gjendjes ekonomike dhe të balancave fiskale me projektin korruptiv të koncesioneve.

Droga dhe krimi i organizuar janë kthyer në një kërcënim për sigurinë kombëtare dhe po kriminalizojnë me shpejtësi segmente të caktuara të ekonomisë dhe financave të vendit. Kryetari i opozitës theksoi se Partia Demokratike do të vazhdojë të propozojë zgjidhje konkrete dhe mbetet e vendosur për të denoncuar aferat korruptive”, është shprehur basha në takimin me shefen e FMN.

Redaksia Online
Er.K/Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça