Beograd- Serbia nuk duhet të përdorë standard të dyfishtë për pakicat, por teksa kërkon respektimin e serbëve në Kosovë, duhet të respektojë edhe të drejtat e shqiptarëve në Luginën e Preshevës.
Kjo ishte thirrja e Lulzim Bashës, në Nënkomitetin për Ballkanin Perëndimor të Asamblesë Parlamentare të Këshillit të Europës që u zhvillua në Beograd.
“Duke folur për pakicat, unë kërkoj fuqimisht që të mos përdoren standarde të dyfishta, të cilat diskreditojnë dhe dëmtojnë reputacionin e atyre që janë përgjegjës për krijimin e besimit publik midis popullsisë më të gjerë dhe në veçanti midis pakicave.
Kam pasur mundësinë të vizitoj komunat e Preshevës dhe Bujanocit. Ata më paraqitën shqetësime që jam i sigurt se i janë paraqitur gjithashtu edhe autoriteteve në Beograd. Kjo është një çështje e vjetër e pasivizimit të adresave. Kjo përjetohet dhe shihet nga popullsia shqiptare atje, si një pastrim etnik i heshtur i këtij rajoni. Pra, kjo është diçka që duhet të trajtohet nga autoritetet në Beograd me transparencë dhe në përputhje me angazhimet që kanë në kuadër të Konventës Europiane për të Drejtat e Njeriut. Dhe prandaj po kërkoj nga qeveria në Beograd që t’i japë fund pasivizimit të adresave, të lejojë simbolet kombëtare, të lejojë tekstet shkollore për fëmijët dhe të lejojë integrimin e shqiptarëve në Preshevë, në Bujanoc, në Medvegjë, që të shërbejnë në mënyrë proporcionale në administratën publike' informoi sot zyra e shtypit.
Qeverisë së Beogradit, i kërkoi të lejojë simbolet kombëtare, futjen në administratën publike shqiptarëve në Serbi si dhe rishikimin e shërbimit të detyrueshëm ushtarak për pakicat.
Ka dhe një tjetër shqetësim tek komuniteti shqiptarë, shërbimi i detyrueshëm ushtarak. E dini, ka kundërshtime të ashpra për shkak të ngjarjeve traumatike të së kaluarës nga qytetarët shqiptarë të Serbisë së Jugut.
Mendoj se këto duhet të merren parasysh në çdo lloj legjislacioni që miratohet, duke lejuar alternativa që nuk e bëjnë këtë masë si masat e tjera të duken të detyrueshme, dhe në një farë mënyre të çojnë në largimin e më shumë të rinjve nga vendlindja e tyre.
Pse them se është një standard i dyfishtë? Sepse paketa “Ahtisaari” ka ofruar pakicës serbe në Kosovë garancitë më të gjera të mundshme. Ato duhet të zbatohen, por zbatimi, sigurisht, varet nga të dyja palët. Dhe prandaj po kërkoj nga qeveria në Beograd që t’i japë fund pasivizimit të adresave, të lejojë simbolet kombëtare, të lejojë tekstet shkollore për fëmijët dhe të lejojë integrimin e shqiptarëve në Preshevë, në Bujanoc, në Medvegjë, që të shërbejnë në mënyrë proporcionale në administratën publike.
Basha tha se respektimi i pakicave, është një standard i artë me të cilin vendet e Ballkanit Perëndimor mund të sigurojnë hyrjen e shpejtë të vendeve tona në Bashkimin Europian.
Komente
Lajme të tjera
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Gjendet i vdekur në Beograd një nga kritikët më të zëshëm të Vladimir Putinit
13 Nëntor, 17:25 -
Kosova kundër zgjidhjeve me Serbinë që prekin territoret
12 Nëntor, 22:36 -
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22 -
Igli Hasani takon deputetin shqiptar të Kuvendit Popullor të Serbisë: Të përkushtuar për të mbështetur shqiptarët
12 Nëntor, 15:48 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
Presidenti Begaj pret Shaip Kamberin, deputetin shqiptar në Serbi: Mbështetje çështjes së shqiptarëve në Preshevë! Hapja e Konsullatës në Bujanoc, hap i rëndësishëm
12 Nëntor, 13:26 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Kurti flet për fitoren e Donald Trump: Ne punojmë me çdo administratë të SHBA-ve
11 Nëntor, 21:41 -
Alban Daci: Më mirë vetëm se i keq shoqëruar
10 Nëntor, 22:19
-
Ngërçi në dialog, Qeveria e Kosovës akuzon Serbinë se po mohon marrëveshjen e Brukselit
10 Nëntor, 19:20
Po mire more shkrues ne cfar istitucioni e ka regjistruar partine qe pretendono ky dallkauk .Ky nuk ka as vuole e as godimento, per cfar i duhet ketij palloshi te shkoje ne serbi , Macedoni? Çfar do te beje si albini qe perché shqiptaret ? O i pa fytyre meru me veten tende se po afron dosja e 21 Janarit o shpifes , nuk regullohet biografia me patetica e tua , ty te nje populli se kush je dhe çfar ke bere .shkofsh mbrapa diellit ashtu si è merito.
Përgjigju