Kryetari i Partisë Demokratike, Lulzim Basha ka zhvilluar një takim me një familje në Shkozet të Durrësit, ku sipas njoftimit të PD-së është një familje e vjetër socialiste e zhgënjyer nga PS. Basha gjatë një bashkëbisedimit me ta tha se edhe vetë socialistët ndihen të përjashtuar nga kjo qeveri, ndërsa i ftoi ata që më 25 prill të votojnë ndryshimin për të mirën e fëmijëve të tyre.
Gjithashtu Basha tha se kur të vijë në pushtet do të zgjidhë përfundimisht çështjen e pronave të fermerëve, legalizimet. Basha u zotua se programet e Partisë Demokratike do t’u vijnë në ndihmë të gjithë shqiptarëve pa dallim partiak. Ai gjithashtu tha se besimi tek qeveria e ardhshme, shihet edhe tek mbështetja e socialistëve që po i japin ndryshimit më 25 prill.
“E para punës, problemin e legalizimeve unë e kam kërkuar prej 2013 ndjesën dhe do ta përsëris prap sot. Duhet ta kishim mbyllur ne, nuk e mbyllëm. Ky erdhi me premtimin legalizime falas. Se çfarë ka ndodhur kjo historia jote është fatëkeqësisht ndër mijëra histori në Durrës dhe në të gjithë Shqipërinë. Njësoj si me premtimet e tjera edhe me legalizimet nuk e mbajti premtimin. Më 25 prill është dita juaj. Ne kemi ardhur para shqiptarëve me një plan pune jo me premtime boshe sepse premtimet boshe, tullumbacet elektorale e treguan ku e çojnë vendin. 8 vite bëjnë premtime dhe mos i mbajë premtimet. Besnikërinë në radhë të parë e ka ndaj familjes pastaj ndaj Shqipërisë. Edhe po të jesh anëtarë i partisë socialiste edhe po të vendosësh të vazhdosh me partinë socialiste një gjë po e them, duke votuar për ndryshimin më 25 prill i ke shërbyer familjes tënde, i ke shërbyer Shqipërisë. Dhe unë të garantoj që angazhimet që kemi, zotimet që kemi dhe të gjitha ato që ne i kemi shpallur dhe i shohim në sy kur i themi. Të gjithë ato që ne kemi shpallur dhe i shihni me sy që i kemi shpallur, janë pjesë e një plani, nuk janë bërë një muaj para fushate. Ne kemi dy vite që punojmë për çështjen e pronave, të regjistrimit të pronave, përfundimit të legalizimit, certifikatat e fermerëve, të pronave të fermerëve, për t’i dhënë zgjidhje përfundimtare kësaj plage. E vetmja gjë që duhet të jemi të gjithë të vetëdijshëm, është që ne kemi në dorë ta ndërtojmë planin dhe ta zbatojmë planin tonë. Ju keni në dorë të bëni ndryshimin me votë. Më 25 e keni ju në dorë dhe më bëhet shumë qejfi, nuk e di a i keni parë lajmet, edhe socialist të niveleve të larta të Durrësit, e jo vetëm të Durrësit, të gjithë Shqipërisë, kanë ardhur dhe kanë thënë që ne në këto zgjedhje do votojmë për ndryshim, do votojmë për PD-n. E bëjnë për familjet e tyre, e bëjnë për vendin, e bëjnë edhe për familjet e tyre politike. Se dhe PS-ja do të përfitoj nga ndryshimi, se është kapur. Socialistët që kanë kontribuar për dekada për partinë tyre që kanë kontribuar për fitoren e zgjedhjeve siç më the ti në 2013-ën. Ndihen dyfish më keq. Pse? Sepse kanë punuar, kanë votuar, domethënë kanë bërë gjithçka për fitoren e Partisë Socialiste dhe sot e shohin veten tash 8 vjet të përjashtuar, e shohin të nëpërkëmbur, të papunë dhe vetëm një grusht njerëzish kanë fituar. Prandaj them se 25 prilli është ditë ku përballen dy realitete. Gjithë shqiptarët e bashkuar përfshirë gjithë socialistët e ndershëm dhe një grusht njerëzish që duan ta mbajnë Shqipërinë pronën e tyre. Një gjë të garantoj zoti dhe zonja Vata dhe djalin tuaj këtu dhe ata të dy që i keni në emigracion që ne zotimet që kemi marrë përsipër do t’i bëjmë realitet. Edhe që siç të kam ardhur sot në shtëpi jam i sigurt se mali me malin nuk piqet, njeriu me njeriun piqen, do të takohemi prapë. Dhe unë një gjë të them, në qoftë se këto zotime pas katër vitesh nuk janë realitet unë nuk vij ta kërkoj prapë votën. Që Shqipëria të shkojë në Europë duhet që edhe politikanët, edhe zgjedhësit të sillen si europianë. Ju falënderoj nga zemra për mbështetjen. Dhe një gjë t’ju them: nuk tadhëtoni askënd, por i shërbeni familjes tuaj, fëmijëve tuaj, dhe Shqipërisë. Dhe në nuk kemi synim ta ndajmë Shqipërinë e ta përçajmë Shqipërinë, por t’i bashkojmë të gjithë, demokratë e socialistë sepse ndryshimi do të jetë për të gjithë” - tha Basha.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Pse priti deri në fund Berisha, çfarë shpresonte?
22 Nëntor, 13:08
