“I hapën dyert krimit, i kandiduan për deputetë, i futën në Parlament, i bënë kryetar bashkish. Por nuk u mjaftuan; i bënë drejtorë në administratë, i bënë shefa komisariatesh e drejtore krimesh si këtu në Burrel. Efekti kulminant i kësaj politike të pastër të inkriminimit të shtetit është mbulimi i gjithë sipërfaqes së vendit nga droga. Mbulimi i vendit me drogë është projekt politik i Edi Ramës. Ky njeri jo vetëm nuk mbajti premtimet me të cilat erdhi në pushtet, por që ditën e parë i braktisi ato, nuk u përpoq t’i mbante, nuk kishte ndërmend t’i mbante. Çfarë kishte ndërmend e pamë. Tani që ditët e mandatit po i mbarojnë e kemi fare të qartë se çfarë kishte ndërmend. Kishte ndërmend që buxhetin ta mbante për vete dhe për një grusht miqsh. Kishte ndërmend që krimit që e solli në pushtet dhe e mban në pushtet t’i hapë dyert e drogës dhe popullin ta vinte përpara disa alternativave; varfëri, emigracion, burg ose argat në kooperativën e drogës të Edi Ramës me shokë.”- deklaroi Basha.
Dy janë kushtet e panegocieshme të opozitës për zgjedhjet e ardhshme parlamentare, zbatimi i ligjit të dekriminalizimit si dhe sigurimi i zgjedhjeve të lira. Me këto dy kushte opozita nuk do të lëshojë në raport me komunikimin me maxhorancën, ndërsa gjatë takimit më strukturat e PD-së në Mat ripërsëriti faktin se me Edi Ramën kryeminisitër nuk mund të të ketë zgjedhje të lira.
(shqiptarja.com)
![](https://www.shqiptarja.com/template/img/sh_logo1.png)