POP 5

Lajmet më të lexuara të 5 minutave të fundit

Kronikë

Basha: Prioritet shtimi i gjelbërimit
do mbillen 4 mijë pemë këtë sezon

Kreu i Bashkisë së Tiranës ka çelur sot sezonin e mbjelljes së pemëve. Për këtë sezon, Bashkia e Tiranës ka planifikuar të mbjellë rreth 4 mijë pemë dhe drurë dekorativë në gjithë qytetin. Sot u mbollën 390 pemë në parkun e Liqenit Artificial.
TIRANE- Kreu i Bashkisë së Tiranës ka çelur sot sezonin e mbjelljes së pemëve. Për këtë sezon, Bashkia e Tiranës ka planifikuar të mbjellë rreth 4 mijë pemë dhe drurë dekorativë në gjithë qytetin. Gjatë aktivitetit për mbjelljen e 390 pemëve të dhuruara nga “Raiffeisen Bank” në parkun e Liqenit Artificial, Basha tha se shtimi i gjelbërimit në Tiranë është domosdoshmëri.
 
“Sot, dua t’u raportoj me kënaqësi qytetarëve të Tiranës, që pak më shumë se dy vjet nga nisja e administratës sime, në qytet janë mbjellë plot 25 mijë pemë dhe dru të rinj dekorativë, nga të cilët 12 500 janë pemë dekorative anembanë qytetit. Jemi në rrugë të mbarë për të përmbushur premtimet tona. Puna do të vijojë me ritme të larta. Vetëm në arteriet e reja të qytetit, siç është bulevardi i ri dhe rehabilitimi i lumit të Tiranës do të shtohen qindra, mijëra metra katrorë gjelbërim dhe dhjetëra mijë drurë dekorativë, pemë që do të bëjnë të mundur pikë së pari një ambient më të shëndetshëm, cilësi ajri më të mirë por edhe hapësira më të përshtatshme për të kaluar kohën e lirë, për ta bërë kështu qytetin tonë përmes këtyre veprave, hap pas hapi një qytet ku jetohet më mirë, punohet dhe shijohet më mirë koha e lirë për të gjithë e në veçanti për brezin e ri” - deklaroi kryebashkiaku Basha.
 
Ndërkaq, përfaqësuesi i “Raiffeisen Bank”, Christian Canacaris ka garantuar mbështetje sa i përket projekteve që Bashkia e Tiranës ka, lidhur me gjelbërimin në kryeqytet.
 
“Ne jemi vërtet të kënaqur që jemi ndër kompanitë e para që i jemi përgjigjur thirrjes së z. Basha për mbjelljen e pemëve të reja dhe shtimin e hapësirave të gjelbra në Tiranë. Ne do të vijojmë të japim mbështetjen tonë për të gjithë projektet që kanë të bëjnë me gjelbërimin dhe gjithashtu presim më shumë projekte nga kryebashkiaku për vitin tjetër”, tha Canacaris.
 
Krytari i Bashkisë së Tiranës, ftoi edhe kompani e biznesve të tjera për t’iu bashkuar kësaj nisme për shtimin e hapësirave të gjelbra në kryeqytet.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ Deputeti Asllan Dogjani paraqitet në GJKKO për seancën paraprake! I pandehur për fshehje dhe mosdeklarim pasurie

Tiranë/ Deputeti Asllan Dogjani paraqitet në GJKKO për seancën paraprake! I pandehur për fshehje dhe mosdeklarim pasurie

10 Janar, 13:08