POP 5

Lajmet më të lexuara të 5 minutave të fundit

Politikë

Basha: Rama dhe Berisha binomi i lidhjeve të politikës me bandat, aleanca e Kullës nuk fshihet pas shpifjeve

Ish-kryeministri Sali Berisha gjatë mbledhjes me grupin e Rithemelimit në nisje të sesionit të ri të Kuvendit, përsëriti akuzat ndaj kryetarit të PD Lulzim Basha për bashkëpunim me kryeministrin Edi Rama. Një përgjigje për të ka pasur kryetari i PD Lulzim Basha.

Basha: Rama dhe Berisha binomi i lidhjeve të politikës me bandat, aleanca e Kullës nuk fshihet pas shpifjeve

Kryetari i PD Lulzim Basha

Ish kryeministri Sali Berisha gjatë mbledhjes me grupin e Rithemelimit në nisje të sesionit të ri të Kuvendit, përsëriti akuzat ndaj kryetarit të PD Lulzim Basha për bashkëpunim me kryeministrin Edi Rama.

“Parlamenti nis punimet me një aleancë të re. Aleanca Rama-Doshi-Brava është realiteti i ri. Por edhe kjo është aleancë krimi, e cila do të përfundojë së bashku me regjimin e krimit. E them këtë sepse pas zgjedhjeve vendore janë bërë evidente, çka ishte e njohur. Kjo aleancë ka dalë në shumë bashki në poste të ndryshme”, tha Berisha.

Një përgjigje për të ka pasur kryetari i PD Lulzim Basha i cili në një reagim në Twitter, shkruan se Rama dhe Berisha sipas tij “janë binomi tregues i lidhjeve të politikës me bandat dhe krimin” ndërsa ka përmendur dhe kullën.

“Aleanca e Kullës nuk fshihet dot as pas llumit dhe as pas shpifjeve. Rama dhe Berisha janë binomi tregues i lidhjeve të politikës me bandat dhe krimin, dhe i fijeve të dukshme e të padukshme që mbajnë gjallë korrupsionin e së shkuarës dhe atij që prej 10 vitesh zhvat shqiptaret”, shkruan Basha.

Edhe sesionin e ri parlamentar demokratët, të ndarë në dy kampe, rikthimin në parlament më 4 shtator do ta kenë me hallet e vjetra se kush ka dominancën në grupin parlamentar dhe sesi do të ndahen deputetët mes Sali Berishës, Lulzim Bashës dhe Gazment Bardhit.

Më të vështira, pozitat i ka Sali Berisha, i cili pas dy vitesh i përjashtuar nga grupi parlamentar, tashmë pas vetes me një grup deputetësh të përjashtuar po mendon të formojë grupin e tij në Kuvend.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • olsi: 01/09/2023 15:46

    eshte e vertete qe saliu dhe rama japin e marrin me njeri-tjetrin,,kulla,tendera,koncesione pra vjedhin popullin shqiotar,,por dhe ti saiut i sherbeje dhe i rrije gatitu....apo jo..mos na u hiq si i paanshem..

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rama inspekton fushën sportive në shkollën ‘Adem Haxhija’ në Postribë! Manastirliu: 6 milionë euro për investimet në Shkodër

Rama inspekton fushën sportive në shkollën ‘Adem Haxhija’ në Postribë! Manastirliu: 6 milionë euro për investimet në Shkodër

10 Janar, 17:15