Burime pranë selisë blu thanë për Shqiptarja.com se presidenti i PEE, Joseph Daul si dhe presidenti i Këshillit Europian, Donald Tusk, kanë zhvilluar biseda telefonike me kreun demokrat në përpjekje për ta bindur të thyejë bojkotin.
Ndërkombëtarët janë kundër bojkotit të Bashës, ndonëse mbështesin kauzën e tij për zgjedhje të lira e të ndershme.
Por përpjekjet e Daul dhe Tusk kanë dështuar, pasi përgjigja e Lulzim Bashës, sipas burimeve të Shqiptarja.com, ka qenë refuzuese. Ai ka renditur kushtet e opozitës për të marrë pjesë në zgjedhje me kryefjalë dorëheqjen e Edi Ramës dhe emërimin e një kryeministri teknik.
Kjo ka bërë që ndërkombëtarët të dorëzohen dhe të ndërpresin çdo komunikim me Bashën.
Redaksia Online
l.q/Shqiptarja.com
![](https://www.shqiptarja.com/template/img/sh_logo1.png)