Basha, sa e paguante energjinë
para 2013-ës dhe sa sot

TIRANE-Nga çadra ku prej dy muajsh është ngujuar me një grusht njerëzish, Basha sot ka akuzuar qeverinë se ka rritur çmimin e energjisë elektrike.
 
Basha shtoi se sot shqiptarët e kanë të pamundur të paguajnë energjinë, të cilës, sipas tij, Rama i ka rritur çmimin.
 
Por si është e vërteta e kësaj deklarate të Bashës, kur bëhet fjalë për shtëpinë e tij?
 
Sa paguan Basha sot për energjinë elektrike?
 
A paguan më shumë sot me çmimin që i ka vënë Edi Rama apo paguante më shumë dje kur paguhej energjia me 2 fasha?
 
Gazeta TemA ka siguruar tabelat e shpenzimeve të Bashës, ku siç shihet, me skemën e vjetër me 2 fasha në 2013, ai konsumonte 1970kwh dhe paguante 29216 lekë.
 
Ndërsa sot, me skemën e re ai konsumon 2120kwh dhe paguan 24806 lekë.
 
Pra llogaria është e thjeshtë.
 
Basha sot konsumon më shumë energji elektrike dhe paguan më pak.
 
Si në çdo familje shqiptare.
 
Ky është një shembull klasik i gënjeshtrave të Bashës, i cili, siç i thonë “Të gënjen edhe kur e pyet për orën”.


(Tabela e krahasimit të pagesave të energjisë elektrike)
 
Redaksia Online
B.B/Shqiptarja.com