TIRANE- Mbledhja e ditës së premte e Këshillit Bashkiak shënoi një rekord për sa i përket marrëdhënieve të Kryetarit të Bashkisë, Lulzim Basha dhe Këshillit Bashkiak. Plot 500 ditë, që Kryebashkiaku Basha nuk paraqitet në mbledhjen e këshillit, por dërgon zëvëndësin e tij Enno Bozdo.

Kryetari i Bashkisë së Tiranës për herë të fundit në Këshillin Bashkiak ka qenë prezent fillim të muajit nëntor 2013, ku uroi kreun e ri të Këshillit dhe qëndroi vetëm disa minuta. Rreth 1 vit e gjysëm pa prezantuar projekt-vendimet e bashkisë para këshilltarëve të majtë dhe të djathtë, projekt-vendime që ai vet i firmos përpara se të kalojnë për miratim.