Basha takon Jenkins: Misioni i PD
mbrojtja e demokracisë e shtetit ligjo

Basha takon Jenkins: Misioni i PD<br />mbrojtja e demokracisë e shtetit ligjo
TIRANE- Kryetari i Partisë Demokratike Lulzim Basha zhvilloi një takim me Drejtorin për Ballkanin Perëndimor dhe Zgjerimin në Ministrinë e Jashtme të Britanisë së Madhe, Oëen Jenkins.

Gjatë këtij takimi Kryetari Basha i shprehu Jenkins mirënjohjen për mbështetjen dhe ndihmesën që Britania e Madhe i ka dhënë në vijimësi demokracisë në Shqipëri dhe procesit të integrimit të vendit në Bashkimin Europian. 

Basha është ndalur dhe te zhvillimet politike në vend duke i shprehur Drejtorit për Ballkanin Perëndimor, Jenkins, mbi ato që listoi si elementë që kanë çuar në reduktimin e hapësirës demokratike për opozitën dhe ndërprerjen e marrdhënieve të kësaj të funfit me parlamentin.

Sipas Bashës, shkelja e vazhdueshme e Kushtetutës, refuzimi i kontrollit demokratik opozitar përmes komisioneve parlamentare hetimore, injorimi dhe moszbatimi i vendimeve të Gjykatës Kushtetuese dhe të gjykatave të vendit, mohimi i fjalës së lirë të opozitës përmes ushtrimit të dhunës verbale dhe fizike nga elemente kriminalë të mazhorancës në Kuvendin e Shqipërisë, të orkestruar dhe drejtuar nga Kryeministri Rama, kanë reduktuar në zero çdo hapësirë demokratike për opozitën duke e detyruar atë të ndërpresë marrdhënien me Kuvendin.

Basha shprehu Jenkins se, megjithë thirrjet e përditshme të opozitës, mazhoranca Rama-Meta “kanë vijuar dhe intensifikuar fushatën e kapjes së institucioneve të pavarura, Këshillin e Lartë të Drejtësisë, shkollën e Magjistraturës, dhe gjykatat e vendit, pavaresisht kundershtise të hapur e publike edhe të partnerëve strategjikë ndërkombetarë.

Basha i ka vënë në dukje Jenkins dhe “shqetësimin e thellë që ka shkaktuar goditja e konsensusit dhe antireforma e kësaj mazhorance në shërbimin civil, si pasojë e të cilit mbi 9 mijë nëpunes civile janë hedhur në rrugë dhe janë zëvendesuar me militantë partiakë, por vecoi edhe rrezikun për liritë dhe të drejtat e qytetarëve nga mbushja e administratës dhe organeve të ruajtjes së rendit me elementë kriminalë”.
 
Redaksia Online
(e.n/Shqiptarja.com)

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet