Kryetari i PD-Demokratët Euroatlantikë, Lulzim Basha, u takua në Parlamentin Britanik me kryetarin e grupit parlamentar gjithëpartiak për Shqipërinë dhe Kosovën, si dhe deputetin e Partisë Konservatore, Martin Vickers.
Përmes një postimi në rrjetet sociale, Basha shkruan se në takim u diskutua për përpjekjet e SPAK-ut në luftën kundër korrupsionit dhe rëndësinë e vetting-ut të politikanëve për të eliminuar lidhjet me krimin.
“Kënaqësi të takoja sot në Parlamentin Britanik kryetarin e grupit parlamentar gjithë partiak për Shqipërinë dhe Kosovën dhe deputetin e Partisë Konservatore, Martin Vickers. Diskutuam për situatën në Shqipëri dhe përpjekjet e SPAK-ut në luftën kundër korrupsionit dhe krimit të organizuar. Dhënia fund e pandëshkueshmërisë dhe ndarja e politikës nga krimi janë sfidat me të cilat përballet Shqipëria. Rasti i fundit i arrestimit të deputetit të Edi Ramës tregoi se si krimi i ka siguruar pushtetin Ramës. E informova mbi propozimin tonë të depozituar tashmë në parlament për vetting-un e politikanëve, një nismë që synon të largojë nga politika politikanët e korruptuar dhe të lidhur me krimin”, shkruan ai.
Ai theksoi gjithashtu nevojën për anëtarësimin e Kosovës në NATO dhe heqjen e pengesave nga disa vende anëtare, duke kërkuar një rol aktiv të Britanisë për sigurinë në Ballkanin Perëndimor.
“Një tjetër çështje për diskutim ka qenë edhe situata e sigurisë në Ballkanin Perëndimor, dhe veçanërisht në Kosovë, ku Britania e Madhe ka një rol të rëndësishëm në garantimin e sigurisë përballë një agresioni të vazhdueshëm nga aktorë të ndryshëm që mbështeten nga Beogradi. Theksova domosdoshmërinë që Kosova të nisë sa më parë procesin e anëtarësimit në NATO dhe, në funksion të paqes së qëndrueshme në rajon, hapjen e këtij procesi përmes heqjes së pengesave nga 4 vendet anëtare që akoma nuk e kanë formalizuar njohjen e saj", shkruan ai.
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
Bregu: SEPA në Ballkan, një hap i madh drejt BE
22 Nëntor, 09:25 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22
