POP 5

Lajmet më të lexuara të 5 minutave të fundit

Politikë

Premtoi se do publikonte kandidatët për deputetë deri më 31 mars, Basha s’mban zotimin! Procesi nis me vonesë, gjysma e emrave del nga baza, gjysma nga kryetari

Lulzim Basha kishte premtuar emrat e 140 kandidatëve për deputetë për parlamentaret e 2025-ës, brenda 31 marsit. Por deri më tani, ka nisur vetëm evidentimin e kandidatëve të mundshëm. Në vendimin e kryesisë që Report Tv e disponon, nga baza do të përzgjidhet gjysma e kandidatëve, ndërsa gjysma e listës do të propozohet nga vetë Lulzim Basha.

Në shtator të 2023-shit Lulzim Basha do të deklaronte se brenda 31 marsit lista e 140 kandidatëve për deputetë do të ishte gati. Pavarësisht këtij zotimi, kryedemokrati Basha nuk arriti të paraqiste para shqiptarëve 140 kandidatët për deputetë.

Fundi i marsit, që kishte vendosur si afat, jo vetëm që nuk përfundoi procesin e përzgjedhjes së kandidatëve, por përkundrazi, shënoi vetëm nisjen.

Përmes një vendimi, që Report Tv e disponon, Basha ka nisur evidentimin e kandidaturave të mundshme për zgjedhjet e 2025.

Jashtë këtij procesit ka lënë anëtarët e Këshillit, mes të cilëve kryetarët e degëve që janë automatikisht të nominuar për kandidatë.

“Në procesin e propozimit si kandidatura gjatë procesit të konsultimit nga Degët e Partisë nuk përfshihen anëtarët e zgjedhur në organet qendrore të partisë: Anëtarët e Këshillit Kombëtar, Kolegjit të Kryetarëve dhe Kryesisë së PDSh si persona të konsultuar dhe votuar më parë nga anëtarësia dhe struktura”, thuhet në vendimin e kryesisë së PD-së më 31 mars.

Ky proces do të zhvillohet brenda dy javësh, por në mungesë të drejtuesit politik të qarkut, që Basha nuk i ka caktuar për shkak të luftës së brendshme, anëtarët e kryesisë të deleguar në qarqe do të jenë ata që do të miratojnë nga këto propozime gjysmën e kandidatëve për deputetë.

Edhe pse premtoi ndryshe, gjysmën tjetër, do ta zgjedhë vetë Basha.

“Këshilli Koordinues i Qarkut miraton një listë kandidaturash me një numër jo më të madh se ½ e numrit të deputetëve që zgjidhen në Qark. Kryetari i Partisë e plotëson listën me kandidaturat e tjera dhe harton listën përfundimtare të kandidaturave dhe ja propozon atë Kryesisë së Partisë”, specifikohet në vendimin e kryesisë.

Një vit para zgjedhjeve të përgjithshme parlamentare, Basha e zotëron ende vulën, ndërsa Gjykata e Apelit nuk ka dhënë vendimin përfundimtar, nëse ai do të mund t’i regjistrojë kandidatët e tij për deputetë nën siglën e PD zyrtare, apo nëse ajo do t’i kalojë Rithemelimit.

(Kliko këtu për të lexuar dokumentin e plotë)

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlora: 02/04/2024 09:50

    Si mundet të besohet një profesionisht Ginjeshtar???

    Përgjigju
  • Po mër po: 01/04/2024 15:45

    Ca të bazës e ca të kryetarit. Si i nda grupi

    Përgjigju
  • tironci: 01/04/2024 15:22

    ca e nxirrni ket mtrq i jepni rendesi, ky eshte vk krejt se do mo shpija vet jo elektorati i djathte

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

PAMJE TË RËNDA! Video tronditëse nga tragjedia në Turqi, momenti kur prindërit hedhin nga dritaret fëmijët për t’u shpëtuar flakëve

PAMJE TË RËNDA! Video tronditëse nga tragjedia në Turqi, momenti kur prindërit hedhin nga dritaret fëmijët për t’u shpëtuar flakëve

24 Janar, 18:33