POP 5

Lajmet më të lexuara të 5 minutave të fundit

Politikë

Simpatizantët rrethojnë lokalin si spektatorë, Basha në kafe me Zef Dedën: Decentralizimi politika jonë, institucionet do vendosen në disa qytete të vendit (VIDEO)

Kreu i PD Lulzim Basha ndodhet në Shkodër në një miting elektoral, ku ka takuar dhe aktorin Zef Deda. Ndërsa Basha është ulur në kafe me Dedën, simpatizantët kanë rrethuar lokalin dhe po i ndjekin si spektatorë.

Aktori i njohur i humorit, Zef Deda dhe aktorja Rita Gjeka, ishin dy nga aktorët që zhvilluan një bisedë me kryedemokratin.  Basha gjatë bisedës me to, foli për artin e kulturën, por edhe për idenë e decentralizimit, ku institucionet do të vendosen pranë qytetarëve. Po ashtu, Basha tha se ka si qëllim, që institucionet më të rëndësishme të vendit të shpërndahen në disa qytete, në mënyrë që energjia dhe fluksi i punëve të ndahet.

"Lezha do të ketë drejtorinë e vet, Shkodra të vetën. Një nga politikat tona është decentralizimi, do i sjellim këto shërbime pranë njerëzve. Shkodra do të ketë të veten, Lezha të veten, Kukësi dhe Dibra të veten. Nuk ka pse të jenë të gjitha institucionet në Tiranë, disa të caktuara vendosen në disa qytete të vendit, që në mënyrë që energjia, fluksi, që kanë institucionet të shpërndahen në disa qytete. Pasha zotin nuk kanë të bëjnë arti dhe kultura e Shkodrës me humorin bajat të Edi Ramës. Jemi më të fortë kur mbijetojmë me një qeveri kaq të keqe që persekuton sipërmarrësin, do të thotë që jemi më të aftë, më të përgatitur. Duhet një qeveri që mendon për njerëzit dhe do punojë për njerëzit. Programi ynë për artin dhe kulturën, do ta shpalosim aty ku ka qenë dhe dot ë ringrihet. Është një program i hartuar nga profesionistë të fushës, do të kërkojë mjete financiare por do i lihet në dorë artistëve dhe jo politikanëve. Ishte kjo qasje e një politikani që erdhi nga fusha e artit, shkatërroi teatrin, artin dhe kulturën që na solli në këtë ditë", tha ai.


Lajmi kryesor:

Basha në Shkodër: Do mposhtim COVID-in, të parin COVID-in e madh (Ramën)! Kryeministri i lidhur me zinxhirët e krimit, s'ka shans koalicion me PS (VIDEO)
/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

27 Janar, 20:43