Ngjarja e rëndë e regjistruar pak ditë më parë në Durrës, ku humbi jetën në mënyrë tragjike një 41 vjeçare, duke u vetëvrarë pas denigrimit në rrjetet sociale, ka ngjallur reagim edhe në kryeqytet.
Aktivistë të shoqërisë civile u bënë bashkë këtë të shtunë në sheshin “Nënë Tereza” në Tiranë, me moton “Lufto për të drejtat e tua, bashkë kundër bullizmit”.
Për aktivistët mosfunksionimi i reagimit të institucioneve ligjzbatuese ndaj denoncimeve mbi kërcënimet dhe bullizmin online është një shqetësim që duhet të gjejë urgjent zgjidhje.
“Ky lloj bullizmi vjen nga mungesa e shtetit, sepse siç e thatë më përpara rasti është denoncuar në polici dhe kjo e fundit nuk ka marrë asnjë hap”,- u shpreh aktivisti.
“Vitin e kaluar ne kemi pas 20 gra të vrara nga burrat, ish-burrat, apo njerëz të afërt të familjes. Këtë vit, në qoftë se kjo do të dalë që është shtyrë vetëvrasja nga bashkëshorti, ky do të jetë femicidi i parë”,- tha një tjetër.
“I bëjmë thirrje të gjithë institucioneve, që t’i trajtojnë me shumë seriozitet të gjitha kërkesat e qytetarëve që kanë të bëjnë me kërcënimet apo shantazhet online për të çuar përpara drejtësisë, jo vetëm autorët e kësaj ngjarje, por të gjithë emrat që rrinë nëpër dosje të pluhurosura në zyrat e prokurorisë”,- përfundoi aktivistja.
Për sociologun Gëzim Tushe, gratë dhe fëmijët janë më të rrezikuar dhe më të prekur nga bullizimi nw rrjetet sociale, ndërsa kërkoi vëmendje më shumë nga vendimmarrësit, sidomos gratë dhe vajzat e politikës.
“Më bën çudi ky solidaritet, kjo indiferenca sociale e shoqërisë shqiptare është e turpëshme. Kjo tregon se jemi larg standarteve europiane. Nuk shikoj asnjë këtu, asnjë deputete, asnjë ministre, që shëtisin, qarkullojnë e kanë gjithë ato privilegje sociale. Imagjinoni që ato nuk kanë solidaritetin e parë që duhet ta kishin me femrat, që në këtë rast nuk është i vetmi”,- u shpreh Tushe.
Pavarësisht thirrjeve dhe postimeve në rrjetet sociale, pjesëmarrja e qytetarëve në këtë protestë sensibilizuese ishte tepër e ulët.
Lajme të tjera
-
Kremtohet 80-vjetori i eliminimit të 39 intelektualëve të Tiranës! Ndregjoni: I vranë komunistët e Enver Hoxhës!
17 Nëntor, 20:11
-
Nga roman në dramë, ‘15 ditë Prilli’ në Teatrin e Durrësit! Regjisorja Dervishi: Dramë që flet shqip! Autorja Markarian: Romani rrëfen ditët e fundit të regjimit
17 Nëntor, 18:46 -
Mbetjet e dyshuara toksike në Durrës, banorët protestë: Të largohen nga vendi ku janë vendosur! Pse i sollën te ne?
17 Nëntor, 15:12
-
Asani vë në alarm Sylvinhon, analiza të detajuara për Ukrainën! Kuqezinjtë stërviten pas ndeshjes me Çekinë
17 Nëntor, 14:31 -
Kamëz/ Shpërthim në godinën e përshtatur si studio muzikore, shkaktohen vetëm dëme materiale
17 Nëntor, 10:58 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Liga e Kombeve/ S'ka 'krisma' në Tiranë, Shqipëria dhe Çekia barazojnë 0-0! Grupi B1 i hapur, të martën vjen Ukraina
16 Nëntor, 22:46 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Prokuroria e Tiranës dërgon për gjykim biznesmenin Julian Morina! Ndërtoi pa leje në Tiranë në një sipërfaqe prej 16 mijë metra katror
16 Nëntor, 10:26 -
Vrasja e Eduart Reçit/ Policia kthehet në vendin e krimit! Prova për të zbuluar nga qëlluan autorët! Biznesmeni i ndërtimit mund të jetë vrarë me armë sportive
16 Nëntor, 10:11
-
Tiranë, ndalohet 16 vjeçari, akuzohet se shpërndau në rrjete sociale foto e video porno të një të mitureje
16 Nëntor, 08:51 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53
