Bashkëqeverisja, Taulant Balla thërritet në “interpelancë” për problemin e shkollës në Xibrakë

Kryetari i Grupit Parlamentar të Partisë Socialiste, Taulant Balla ka parë nga afër gjendjen e mjerueshme në të cilën ndodhet shkolla e fshatit Xibrakë (e epërme), në Elbasan. Shkolla është shkatërruar totalisht dhe për pasojë prej shumë vitesh mësimi zhvillohet në një ambient privat, ish-lokali i fshatit, i cili gjithashtu s’ka asnjë kusht për fëmijët e ciklit fillor, që mësojnë këtë vit në këtë shkollë. 

Pas kërkesës së banorëve për një "interpelancë" lidhur me problemin e shkollës, Balla i shoqëruar nga kryetari i Bashkisë së Elbasanit, Qazim Sejdini diskutuan me banorët e fshatit Xibrakë, për rrugën më të mirë të zgjidhjes së këtij problemi. Balla i premtoi banorëve që viti i ri shkollor do të fillojë me një shkollë të re dhe sipas tij, përparësi kryesore është cilësia e mësimdhënies dhe kushtet në të cilat mësojnë nxënësit.

"Komunikova me banorët për rëndësinë e cilësisë së mësimdhënies dhe kjo do të jetë përparësi për ne. Por po ashtu, për ne janë po aq e rëndësishme edhe kushtet në të cilat mësojnë fëmijët. Shkollën do ta lëmë në fshat, nëse cilësia e mësimit është ajo që duhet. Meqënese për fëmijët e ciklit fillor rruga deri në Xibrakë të poshtme është e vështirë, banorët ranë dakord që të vendosin një vend të përshtatshëm që ka mirëkuptimin e të gjithëve, për t’u ndërtuar shkolla. Të caktojmë vendin dhe ju jap fjalën që viti i ri shkollor fillon në një shkollë të re", deklaroi Balla.

Duke qenë se rruga deri në Xibrakë të poshtme është me një pjerrësi të madhe, ndaj dhe transporti herë -herë bëhet i pamundur, për këtë arsye u vendos që shkolla e ciklit fillor të qëndrojë në fshat
 

TAG:
• taulant balla
• Xibrakë

Sondazhi i ditës:

Minimumi jetik në vend 184 euro për person, a është i mjaftueshëm?

• Po

  10.1%

• Jo

  86.2%

• Nuk e di

  3.7%

Vota total: 1956

• Sondazhi i ditës:

  Minimumi jetik në vend 184 euro për person, a është i mjaftueshëm?

  Po Jo Nuk e di