POP 5

Lajmet më të lexuara të 5 minutave të fundit

Kronikë

Bashkia e Tiranës, 500 pako me
ndihma për familjet në nevojë

Në prag të fundvitit reth 500 pako me ndihma u janë shpërndarë dje banorëve të zonave të përmbytura rreth 2 muaj më parë, në njësinë bashkiake numër 11.
Bashkia e Tiranës, 500 pako me<br />ndihma për familjet në nevojë
TIRANE- Në prag të fundvitit reth 500 pako me ndihma u janë shpërndarë dje banorëve të zonave të përmbytura rreth 2 muaj më parë, në njësinë bashkiake numër 11. Kjo është bërë në kuadër të një humaniteti njerëzorë në prag të festave të fundvitit. Bashkia e Tiranës ka qenë vazhdimisht pranë kësaj zone në nevojë. Familjet e përmbytura nga dalja e lumit të Tiranës nga shtrati, pësuan humbje të mëdha ekonomike duke ngelur paraprakisht pa asgjë. Bashkia e Tiranës ka qenë gjatë gjithë kohës pranë këtyre familjeve duke bërë të mundur zvogëlimin e dëmeve me anë të ndihmave të ofruara nga Bashkia.  I pranishëm në këtë zonë  ka qenë edhe nënkryetari i Bashkisë, Enno Bozdo i shoqëruar nga kryetari i minibashkisë nr.11 Haki Mustafa.

Bozdo rikujtoj që tashmë është bërë i  gjithë rikuperimi  i kanalizimeve të  ujërave të bardha dhe ujërave të zeza. Ndërsa përfundimi i rrugëve me shtrimin me çakull është pothuajse në ditët e fundit. Këto nisma janë financuar nga Bashkia e Tiranës e cila edhe në këtë rast nuk ka lënë po shpalosur disa deklarat në të cilat thuhej se qeveria dhe institucionet përgjegjëse kanë qëndruar indiferente ndaj kësaj fatkeqësie natyrore. 

 “Gjej rastin t’i bëj një apel edhe qeverisë, kryeministrit Edi Rama, ministrave përgjegjës, që t’i kthejnë sytë nga banorët dhe familjet e kësaj zone. Kanë kaluar tashmë dy muaj dhe asnjë zyrtar i lartë, kryeministri jo e jo por edhe deputetët përkatës të Partisë Socialiste apo të mazhorancës nuk kanë denjuar të bëjnë një vizitë këtyre njerëzve” - deklaroi Bozdo. Rreth një muaj më parë, këshilli bashkiak aprovoj me vota të plota fondin prej 1 milion lekësh të reja që do të ishte në ndihmë të këtyre familjeve. Bashkia e Tiranës do të vazhdojë me angazhimin e saj për këtë minibashki, për të përmirësuar jetën e banorëve, duke i ofruar të gjithë logjistikën që ka në dispozicion.

“Ne kemi parashikuar edhe në projekt-buxhetin e vitit 2014 rikuperimin e disa blloqeve apo kuartallave, investime në çerdhe dhe në kopshte, për të rritur cilësinë e jetës edhe në këtë zonë e cila praktikisht e shikoni është përballur me vështirësitë e shumta por edhe me vështirësitë e përmbytjes” – deklaroi nënkryetari i Bashkisë Bozdo. Bashkia angazhohet se do të jetë vazhdimisht pranë zonave në nevojë ku një nga të këto është edhe zona e njësisë bashkiake nr 11, e prekur nga përmbytjet e dy muajve më parë.
 
Shkrimi u publikua sot (14.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04