Bashkia e Tiranës ndërhyn në dy zona për rrjetin e ujësjellës-kanalizimeve

Bashkia e Tiranës ka rikonstruktuar rrjetin e kanalizimeve në rrugën “Abdyl Frashëri”. Tashmë, ky rikonstruksion eliminon përfundimisht problematikat e shkarkimit të ujërave dukë mundësuar një shërbim më të mirë ndaj banorëve të zonës përreth.

Paralelisht, specialistët e Ujësjellës Kanalizimeve i janë përgjigjur shqetësimit të banorëve në rrugën "Rrapo Hekali" duke riparuar rrjetin e ujësjellës kanalizimeve.  Bashkia ka vendosur në dispozicion të qytetarëve numrin e gjelbër 08004488, ku çdokush mund të shprehë shqetësimin në lidhje me problematikën e krijuar dhe specialistët do të merren me zgjidhjen e situatës.

Përveç investimeve në linjat kryesore të furnizimit me uji, UKT ka vijuar punën edhe për shtrirjen e investimeve në rrjetin e shpërndarjes së ujit në mënyrë kapilare.

B.K./Shqiptarja.com
Komento
  • Sondazhi i ditës:

    Ju duket i drejtë vendimi për të bllokuar lejet e ndërtimit në zonat e prekura nga tërmeti?