POP 5

Lajmet më të lexuara të 5 minutave të fundit

Kronikë

Bashkia jep shpresë për të mbijetuarit nga zjarri tragjik në Pukë

Bashkia e Pukës do t'i rindërtojë banesën e shkrumbuar, familjes Ndoj, që në orët e para të mëngjesit të sotëm u përfshi në një tragjedi. Burrë dhe grua humbën jetën nga zjarri që përfshiu banesën si pasojë e një shkëndije elektrike, ndërsa 4 fëmijët e çiftit dhe dy të moshuarit që jetonin me ta, mundën të shpëtonin pasi u hodhën nga kati i dytë i banesës.

Bashkia jep shpresë për të mbijetuarit nga zjarri tragjik në Pukë

Kryetari i Bashkisë Pukë dhe çifti i të moshuarve që shpëtuan nga zjarri

Bashkia e Pukës do t'i rindërtojë banesën e shkrumbuar, familjes Ndoj, që në orët e para të mëngjesit të sotëm u përfshi në një tragjedi. Burrë dhe grua humbën jetën nga zjarri që përfshiu banesën si pasojë e një shkëndije elektrike, ndërsa 4 fëmijët e çiftit dhe dy të moshuarit që jetonin me ta, mundën të shpëtonin pasi u hodhën nga kati i dytë i banesës.

Ngjarja e rëndë ndodhi në lagjen "Va Shënkoll" të fshatit Breg, ku pavarësisht ndërhyrjes së shërbimit zjarrfikës të Pukës dhe Fushë-Arrëzit, flakët rezultuan fatale për Petrit dhe Dava Ndoj, që u gjetën të pajetë pranë njëri-tjetrit në dhomën e gjumit,. Pranë familjes është gjendur kryetari i Bashkisë së Pukës, Gjon Gjonaj, i cili ka marrë përsipër që të rindërtojë banesën e familjes. Po ashtu, bashkia do të heqë edhe shpenzimet e ceremonisë mortore për bashkëshortët.

Po ashtu, kryebashkiaku ka kërkuar përkujdesje shëndetësore për dy të moshuarit, pasi kanë probleme kronike, çfarë në këto momente e bën të domosdoshmepërkujdesjen ndaj tyre.

"Në këtë dhimbje të madhe për familjen Ndoj dhe mbarë komunitetin tonë kërkojmë solidaritetin e të gjithëve në ndihmë të kësaj familje", thuhet në një njoftim të Bashkisë së Pukës.

Kryebashkiaku është gjendur pranë të të mbijetuarve, ku duken edhe i moshuari dhe grua e tij. ajo u shpëtua nga fëmija i madh 15-vjeçar i çiftit, i cili e nxori në kohë nga banesa gjyshen, e cila është e paralizuar.

Zjarrfikësit në vendin e ngjarjes

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10