Këshillin bashkiak të Këlcyrës do ta drejtojë LSI-ja. Ka përfunduar edhe konstituimi i këshillit bashkiak edhe në këtë bashki të drejtuar nga Klement Ndoni i ASHE-së.
 
Përfundon konstituimi i këshillit bashkiak në Këlcyrë, në të cilën kryetar i bashkisë u zgjodh, Klement Ndoni i ASHE, ndërkohë që e majta arriti të fitojë 11 këshilltarë.
 
LSI rezulton forcë e parë me katër këshilltarë, e ndjekur nga PS me dy. Ndërsa koalicioni i djathtë ka marrë 4 këshilltarë.
 
Kryetar i këshillit të bashkise u zgjodh, Pëllumb Rokaj dhe në këshillin e Qarkut u zgjodh, Drini Ducka të dy përfaqësues të LSI-së. Në mbledhjen e konstituimit mori pjesë deputeti i LSI-së, Spartak Braho.

Redaksia Online
(f.s/shqiptarja.com)