Bashkimi i PD, Duma: S'mund të nisin negociatat me kushte dhe përjashtime

 

Deputetja e PD-së, Grida Duma është shprehur se në qëllimin për bashkimin e PD nuk duhet të vihen as kushte paraprake dhe as përjashtime, duke iu referuar këtu edhe Sali Berishës. Ajo ka hedhur akuza në drejtim të kryetarit të Komanduar, Enkelejd Alibeaj, i cili sipas saj, doli në një deklaratë me 3 pika, por që nuk ishte e dakordësuar me të gjithë pjesën e grupit të deputetëve.

"Nuk ka pasur një dakordësi të grupit të PD, ne kemi qenë shumë luajal edhe ditën që kemi bërë takimin, kur Basha nuk ishte dorëhequr,vendimi i grupit duhet të ishte i dakordësuar, vendim grupi kur nuk është gjysma e grupit nuk ka, nuk kërkojmë kushte kur kërkojmë bashkim, negociata prodhon rrethana të reja dhe këto duhet të prodhojnë bashkimi.

LEXO EDHE:
Jakin Marena: Argita, shkaku i ‘divorcit’ Berisha-Meta, SPAK do t’i ‘bashkojë’?!

Duhet bërë një bisedë e thellë dhe aty le të diskutohen të gjitha, mund të jetë edhe Berisha, po s;ka arsye të kemi frikë nga asgjë që askush. Nuk do të thotë që duhet të kthehem pas nga 9 shtatori, arti i negociatës nuk nis as me kushte",  tha Duma.

Ditën e djeshme, Kryesia e Partisë Demokratike, doli me një deklaratë të rëndësishme ku shpreheshin të hapur për të bërë negocime, mirëpo duhet t'i jepet fund gjuhës së urrejtjes mes demokratëve, mos mbajtjen e Kuvendit të 30 prillit, si edhe i qëndronin vendimit për përjashtimin e  Sali Berishës, i shpallur 'Non Grata' nga SHBA.

Lajmi kryesor:

Bashkimi i PD? Në Selinë blu bëhen gati të heqin dyert e blinduara! Berisha: Ka vetëm 1 parti, gjithçka të diskutohet në grup parlamentar

B.K./r.k./Shqiptarja.com

TAG:
• Lufta brenda PD
• enkelejd alibeaj
• Grida Duma
• PD