Qeveria do të marrë kompetencat ligjore të rregullimit të shërbimit të veterinarisë të cilat aktualisht zotërohen nga pushteti lokal.
Ministria e Bujqësisë ka përgatitur një projektligj që synon unifikimin e shërbimit veterinar duke mundësuar kalimin e kompetencave dhe funksioneve të shërbimit veterinar, të pushtetit lokal në strukturën e shërbimit veterinar në ministrinë e Bujqësisë. Ministria e Bujqësisë në relacionin përkatës sqaron se njësitë e qeverisjes vendore nuk i kanë më këto struktura.
Për këtë qëllim, ky projektligj ka për objektiv të forcojë masat parandaluese dhe të kontrollit të sëmundjeve të kafshëve nëpërmjet forcimit të strukturave të kontrollit dhe shërbimit për të garantuar mbrojtjen e shëndetit publik nga sëmundjet zoonotike të transmetueshme nga kafshët.
Ministria e Bujqësisë sqaron se Incidentet e ndodhura në të kaluarën në fushën e shëndetit dhe mirëqenies së kafshëve, të cilat kanë lënë pasoja domethënëse në shëndetin publik, për shkak të transmetimit të sëmundjeve zoonotike apo edhe të lëndëve mbetëse të dëmshme të cilat gjenden në produktet ushqimore me origjinë shtazore, kanë treguar se një organizim i mirë i shërbimit veterinar, me një linjë vertikale të zinxhirit të komandës dhe llogaridhënies, mund të shmangte në një nivel të lartë këto incidente.
Në vendin tonë ky zinxhir komande është i shkëputur për shkak të fragmentizimit të shërbimit veterinar midis pushtetit qendror dhe qeverisjes vendore. Për këtë qëllim ky projektligj parashikon unifikimin e zinxhirit të komandës në linjë vertikale duke bërë të mundur kryerjen e funksioneve të shërbimit veterinar të pushtetit vendor nga shërbimi veterinar rajonal.
Në këtë mënyrë plotësohet edhe rekomandimi i vazhdueshëm i dhënë në Raportin e Progresit të Komisionit Europian, për vlerësimin e kapaciteteve dhe strukturave të shërbimit veterinar, icili rekomandoi se “është i një rëndësie kritike rishikimi i roleve dhe përgjegjësive të Ministrisë së Brendshme-Veterinerëve të Bashkive; duke konsideruar shumë të rëndësishëm transferimin e tyre në Shërbimin Veterinar Shtetëror pasi sigurohet kapaciteti teknik dhe menaxhues i Shërbimit Veterinar Shtetëror”.
Projektligji parashikon forcimin e kontrollit të therjes së kafshëve nëpërmjet kalimit të kontrollit shëndetësor të kafshës para dhe pas therjes nga veterinerit zyrtar i shërbimit veterinar rajonal duke eliminuar në këtë mënyrë shkëputjen e hallkës së kontrollit të shëndetit të kafshës para dhe pas therjes. Lëvizja e kafshëve të gjalla dhe tregtimi i tyre në tregun e kafshëve të gjalla, e cila është njësi epidemiologjike, janë burim kryesor i transmetimit dhe përhapjes së sëmundjeve nëse nuk përfshihen në kontrollin brenda standardeve të zinxhirit të kontrollit të shëndetit dhe mirëqenies së kafshëve.
Për këtë qëllim projektligji parashikon që edhe kontrolli i tregjeve të kafshëve të gjalla të përfshihet në detyrat e veterinerit zyrtar të shërbimit veterinar rajonal. Marrë nga Monitor.al
Lajme të tjera
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37 -
Fatos Çoçoli: Rilindja e pensioneve?
21 Nëntor, 18:45
-
Rivlerësimi i pasurive të paluajtshme në 2025, pas rritjes së çmimeve së referencës për rrethet!
21 Nëntor, 16:42 -
Skënder Minxhozi: Rreziku numër 1 për qeverinë: Mërzia! Ajo që rrëzoi Xho Bajden më 5 nëntor!
21 Nëntor, 15:37
-
Insidor Rexhepi emërohet Drejtori i Përgjithshëm i Antikorrupsionit, do të hetojë administratën! Koordinatorë në 26 institucione
20 Nëntor, 19:08 -
Pensionistët dhe Lëvizja Bashkë protestë te Kryeministria: Hiqni dorë nga korrupsioni, që të na rritet pensioni!
12 Nëntor, 12:23 -
Projektligji i Qeverisë, rreth 2100 ish-ushtarakë dhe civilë, me mundësinë për t’u bërë rezervistë! Drafti në Kuvend, kostoja 1,5 mld lekë (DOKUMENTI)
6 Nëntor, 22:35 -
Projektligji i ri për tarifën e administrimit të banesave, gjobë 30% në muaj për ata që s’paguajnë, deri në ndërhyrjen nga Përmbarimi (I PLOTË)
6 Nëntor, 16:16 -
Qeveria hedh për konsultim Projektligjin për ndërtesat e reja dhe rinovimin e atyre ekzistuese: Duhet të jenë pa emetime që nga 2028 (DOKUMENTI)
3 Nëntor, 18:44 -
Atentati i Shkodrës/ LZHK: Krimi nuk ka frikë nga shteti, qeveria palë me të! Të ngrihet Xhandarmëria Kombëtare
1 Nëntor, 11:27 -
Alban Daci: Dy realitete të së njëjtës medalje!
31 Tetor, 19:23
-
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43
