Biden beson se amerikanëve të thjeshtë nuk ua ndjen fort për Afganistanin. Ose për të qenë më të saktë, nuk do t’ua ndjejë fort më 2022 (dhe më 2024), kur të zhvillohen zgjedhje në SHBA (kongresuale e presidenciale).
Ai dhe njerzit rreth tij nuk e thonë këtë gjë haptazi, kuptohet. Por cdo sinjal publik që po lëshojnë ata tregon qartazi se nuk besojnë se rrëmuja e javëve të fundit në Afganistan do të luajë rol në votimin e amerikanëve të thjeshtë pas një viti apo pas tre vjetëve.
Geoffrey Skelley shkruante në portalin FiveThirtyEight se “deri ditën që Talibani mbërriti në Kabul, shumica e amerikanëve e mbështesnin vendimin e Biden-it për tërheqjen e trupave nga Afganistani – këtë tregonin sondazhet e zhvilluara gjatë korrikut dhe javët e para të gushtit”.
Në fakt, mesatarja e sondazheve te kryera deri në mes të gushtit tregonte një diferencë 30 pikësh mes atyre që donin tërheqjen e menjëhershme të trupave amerikane nga Afganistani dhe atyre që nuk e donin.
Por pas pamjeve dramatike të afganëve që kacavirreshin për të hipur në avionët amerikanë të transportit në Kabul, opinioni publik ka ndryshuar në SHBA. Sipas një sondazhi të fundit të NBC, 6 ndër 10 amerikanë nuk kanë opinion pozitiv për mënyrën sesi administrate Biden po e menaxhon tërheqjen nga Afganistani. Sipas një sondazhi të fundit të CBS, rreth 44% mendojnë se tërheqja është bërë shumë keq, ndërsa 30% disi keq. Ndërkohë, opinion pozitiv për punën në përgjithësi të Presidentit Biden ka rënë për herë të parë nën nivelin 50%.
Sidoqoftë, pavarsisht këtyre numrave të sondazheve – dhe kritikave të forta jo vetëm të republikanëve, por edhe të demokratëve të tyre – Biden dhe njerzit rreth tij nuk duken të shqetësuar.
Ja ç’shkruante Axios këto ditë: “Shtëpia e Bardhë po e neglizhon Afganistanin në aktivitetet jashtë Uashingtonit, duke shpresuar që votuesit do të përqendrohen në planet Biden për shpenzime të rritura buxhetore, sidomos në infrastukturë dhe ndihmë sociale.
Kevin Collins, një strateg politik demokrat e përmbledh kështu strategjinë elektorale të Biden-it: “Për mirë a për keq, amerikanët e thjeshtë nuk e vrasin shumë mendjen për politikën e jashtme, në qoftë se jeta e qytetarëve amerikanë nuk rrezikohet. Në qoftë se të gjithë amerikanët evakuohen nga Afganistani, numrat në sondazhe pas një viti nuk do të ndikohen nga ç’po ndodh sot në Kabul. Fati i zgjedhjeve më 2022 nuk do të përcaktohet nga Afganistani, por nga ecuria e pandemisë Covid-19 dhe e ekonomisë.”
Është një bast elektoral jo pa rreziqe ky, sidoqoftë. Në qoftë se situata në Afganistan degjeneron keq ose akte terroriste kryhen nga grupe me bazë në Afganistan, një menaxhim i mirë i pandemisë dhe ekonomisë nuk do të mjaftonte për ruajtjen e kuotave të Biden-it në sondazhe dhe ruajtjen e epërsisë Demokrate në Kongres.
(Marrë me shkurtime nga CNN)
Lajme të tjera
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20
