Batuta e Ramës në Kamëz: Rakip Suli, i vetmi orator që kam zili, flet më gjatë se unë! Fton mbështetësin të brohorasë për kandidatin e PS: Merre mikrofonin e bërtit

 

Kryetari i PS, Edi Rama ndodhet këtë të enjte në Kamzë për të kërkuar votën për kandidatin Rakip Suli në zgjedhjet vendore të 14 majit. Në fjalën e tij, Rama nuk kurseu batutën për fjalën e gjatë që mbajti Sula.

“E vërteta është që Rakipi është I vetmi orator që unë kam zili. Sepse është I vetmi që flet më gjatë se unë. Por përtej shakas do të doja të thosha disa fjalë dhe me lejen e ccunave atje…Do doja që të thosha disa fjalë që… Besoj që vlejnë jo vetëm për Kamzën, por besoj se vlejnë shumë më tepër për shumë të tjerë. Besoj që çuna si ju s’kanë aq buxhet sa Rakipi. Besoj që … A do i flasësh atyre aty…”, tha Rama.

LEXO EDHE:
Mero Baze: Beteja për mitingun e Athinës po bëhet më e madhe se vet mitingu

Sa i përket mbështetësve që brohorisnin për Rakip Sulin, Rama thotë se është votues në Tiranë, jo në Kamëz. Më pas ftoi njërin prej tyre që të brohorasë me mikrofon para të gjithëve.

“Ato duan të më mushin mëndjen të votoj për Rakipin, unë jam në Tironë votues jo në Kamëz. Dua të them disa gjëra, e përsëris, jo për ju, as për ata që ndryshimin e Kamëz e kanë parë dhe prekur për ditë. Por për shmë të tjerë, që duhet të shohin të e të kuptojnë diçka thelbësore që është kuptuar katërcipërisht në Kamëz. Flas për vlerën e votës. Kamza është drejtuar nga të tjerët qysh nga viti 1992, deri në vitin 2019 kur Bashkia e Kamzës nuk pati garë sepse ata u tërhoqën dhe bashkinë e Kamzës filluam ta drejtojmë ne me Rakipin. Hajde  bërtit këtu me mua, hajde… Hajde të keqen vëllai.. Merre mikrofonin e bërtit…Ulu e mos bërtit më tani..”, tha Rama.

Lajmi kryesor:

Rama në Kamëz: Vota e duhur sjell kopshte e shkolla! Sulmi kundër nesh e bën të vështirë mesazhin tonë! Opozita e mbajti për fyti Bashkinë

A.M./KT/Shqiptarja.com

TAG:
• zgjedhjet vendore 2023
• Tirane
• kamez
• rakip suli
• edi rama