POP 5

Lajmet më të lexuara të 5 minutave të fundit

Sociale

Baxhot dhe fabrikat po i falimentojnë, blegtorët e Jugut në protestë, bllokojnë aksin nacional: Qumështi shitet lirë, shteti të ndalë monopolin

Blegtorët e Jugut protestuan pasi qumështi blihet nga baxhot dhe fabrikat e përpunimit me çmim shumë të ulët. Ata bllokuan aksin nacional Gjirokastrës-Sarandë, në fshatin Kardhiq, duke kërkuar nga shteti të ndalojë abuzimin me çmimin e qumështit.

Këtë të hënë dhjetëra blegtorë të Gjirokastrës, Sarandës, Delvinës, Tepelenës, Përmetit janë bërë bashkë te ura e Kardhiqit, duke bllokuar aksin nacional Gjirokastër-Sarandë. Protesta e tyre merr shkak nga çmimi i ulët i shitjes së qumështit dhe vjen pas proteses se Vlores.

Ata thanë se baxhot dhe fabrikat e blejnë qumështin me 100 deri në 120 lek për litër, ç’ka po i çon drejt falimentimit pasi me këtë çmim nuk mund të përballojnë shpenzimet për mbarështimin e bagëtive.

“Kam 400 krerë bagëti dhe do t’u hap shtegun t’i hajë ujku, se asnjë mbështetje nuk ka nga shteti. Subvencionet janë tallje. Ky sektor është drejt zhdukjes! Baxhot kërkojnë ta blejnë qumështin me 120 lek për litër, ndërsa djathin e shesin me 1 400 lek për kg. Kjo është e patolerueshme, ndaj kërkojmë nga Ministrja e Bujqësisë, Anila Denaj dhe Kryeministri Edi Rama të marrin masa, sepse ne jemi në prag falimenti”- u shpreh një prej blegtorëve. 

Blegtorët e Jugut kërkojnë nga autoritetet shtetërore të ndërhyjnë kundër monopolit që duan të krijojnë fabrikat e përpunimit të qumështit në çmimin e blerjes së këtij produkti, që është lëndë e parë në përpunim e bulmetit.

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Shembet çatia në Maltë, plagosen rëndë dy punëtorë shqiptarë

Shembet çatia në Maltë, plagosen rëndë dy punëtorë shqiptarë

27 Prill, 07:47