Baza e NATO-s në Kuçovë, Meta: Investim për sigurinë tonë kombëtare

 

Kreu i Partisë së Lirisë Ilir Meta përshëndeti hapjen e bazës së NATO-s në Kuçovë duke e quajtur një moment të rëndësishëm.

Meta tha se përzgjedhja e Kuçovës tregon vlerësimin që aleanca euro-atlantike ka për Shqipërinë.

"Partia e Lirisë përshëndet ngjarjen shumë të rëndësishme të hapjes së bazës moderne ajrore të NATO-s në Kuçovë dhe e vlerëson si një investim strategjik për sigurinë tonë kombëtare, atë rajonale dhe të vetë Aleancës së Atlantikut të Veriut. Përzgjedhja e Kuçovës si vendndodhje e kësaj baze është një vlerësim që NATO ka për Shqipërinë dhe kontributin e saj në sigurinë e rajonit. Partia e Lirisë shpreh gatishmërinë për të ndihmuar që Shqipëria të plotësojë të gjitha detyrimet ndaj NATO-s, por edhe për të marrë përgjegjësi të reja. Zgjerimi i NATO-s në Ballkan është një kontribut përcaktues për sigurinë, paqen dhe vlerat e demokracisë", tha Meta. 

Lajmi kryesor:

NATO bazë ajrore në Kuçovë, reagon Opozita: Historike! Deputeti i Rithemelimit: U ftuam në Kuçovë, na lanë pa vend

SI.E./r.k./Shqiptarja.com

TAG:
• Asllan Dogjani
• Jorida Tabaku
• lulzim basha
• Ilir Meta
• Berat
• kucove
• baza ajrore e Kuçovës
• baza ajrore e NATOS në Kuçovë