Partia Socialiste për herë të parë pas zgjedhjeve të 23 qershorit ku edhe erdhi në pushtet, mblodhi dje asamblenë e Tiranës për shqyrtimin e ankesave të bazës dhe përgatitjen e zgjedhjeve vendore.
Njoftimin për zhvillimin e asamblesë, kryeministri Rama deputetëve të tij ua ka përcjellë dje gjatë seancës plenare, ndërkohë që gjatë pasdites deputetët e Tiranës kanë qenë të gjithë në “Pallatin e Kongreseve” për tu takuar me bazën e PS-së.