POP 5

Lajmet më të lexuara të 5 minutave të fundit

Kultura

Bazuar në ngjarje të vertetë, xhirohet në Kukës filmi për hakmarrjen 'Triumf pa lavdi'! Me regji të Mentor Mataj dhe aktorët Bujar Asqeriu e Mehdi Malkaj

Në Kukës kanë nisur xhirimet e filmit “Triumf pa lavdi” me regji të Mentor Mataj, një regjisor i ri që jeton në Britaninë e Madhe. Filmi ku luajnë aktoret e njohur Mehdi Malkaj dhe Bujar Asqeriu do te jepet premierë në muajin shtator fillimisht ne Londër e mandej në Tiranë.

Prej ditësh në Kukës kanë nisur xhirimet e filmit “Triumf Pa Lavdi” me regji të Mentor Mataj me origjine nga Kukësi që jeton në Britaninë e Madhe. “Triumf Pa Lavdi” sipas regjisorit që ka dhe rol ne film, është aksion, dramë, romancë me temë hakmarrjen.

“Ngjarja kryesore është hakmarrja dhe mesazhi është se hakmarrja nuk e sjell dot atë që ke humbur në jetë”, tha Mentor Mataj, regjisor.

Në rolet kryesore janë aktorët e njohur Mehdi Malkaj, Natasha Sela, Bujar Asqeriu. Për Report tv, Malkaj shprehet se është një film tronditës mbi fenomenet e ditëve të sotme.

“Është film tronditës! Bëhet fjalë për hakmarrjen, e cila nuk e qetëson dot njeriun”, u shpreh Malkaj.

Ndërsa aktori Viktor Lata tregon se filmi ka si subjekt hakmarrjen për vrasjen e një djali të vogël, rritur në Kukës.

“Është film që bazohet në ngjarje të vertetë”, tha ai.

Xhirimet e filmit do të vazhdojne dhe në Angli nga kompania “North Pro” kurse premiera pritet të jepet gjatë muajit shtator.

R.D/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares

Lajme të tjera



×

Lajmi i fundit

Operacion në zhvillim e sipër, SPAK 20 masa sigurie në lidhje me inceneratorin e Tiranës! Masa për kompanitë guackë, dyshohet edhe për 2 të lidhur me median

Operacion në zhvillim e sipër, SPAK 20 masa sigurie në lidhje me inceneratorin e Tiranës! Masa për kompanitë guackë, dyshohet edhe për 2 të lidhur me median

25 Qershor, 23:48