LONDER - Shumë gazetarë të BBC-së kanë hyrë sot në një greve 24-orëshe për shkak se nuk arritën një marrëveshje lidhur me shkurtimet e vendeve të punës.

Bashkimi Kombëtar i Gazetarëve e organizoi grevën pasi dështoi në arritjen e një marrëveshjeje me zyrën e menaxhimit për ripozicionimin e 30 anëtarëve të stafit, që u konsideruan të tepërt. Kësisoj, sot, disa prej programeve të zakonshme u zëvendësuan ose u shkurtuan, për shkak të mungesës së personelit.

BBC-ja ka planifikuar të shkurtojë 2 mijë vende pune dhe të bëjë ndryshime radikale në programim me qëllim që të shkurtojë me 20% buxhetin e saj për pesë vjetët e ardhshëm.

Redaksia Online
(ar.sh/shqiptarja.com)