BE akuzon Apple për thyerje të rregullave të konkurencës

BE akuzon Apple për thyerje të rregullave të konkurencës

Apple është akuzuar për thyerjen e rregullave të konkurrencës së BE-së për mënyrën se si drejton App Store-in e saj. Rregullatori evropian për konkurrencën u shpreh se me sjelljen e saj po bën që konsumatorët të humbasin shumë.

Padia  ka të bëjë me akuzat e paraqitura dy vjet më parë nga aplikacioni Spotify i cili pretendonte se Apple po mbyste inovacionin. Një ankesë e ngjashme u paraqit nga firma Rakuten në Mars 2020, duke pretenduar se ishte kundër konkurencës. Lojërat Epic, krijuesit e Fortnite, gjithashtu paraqitën një ankesë të ngjashme si pjesë e një mosmarrëveshjeje të vazhdueshme me Apple.

Pas vendimit të Komisionit Apple mund të përballet me një gjobë të madhe dhe mund të detyrohet të ndryshojë politikat e saj,  nëse argumentet e paraqitura nga ata nuk bindin rregullatorët.

Më parë ajo ka mohuar çdo shkelje të rregullave.

"Rregullat e Apple dëmtojnë konkurrencën në tregun e transmetimit të muzikës duke rritur kostot e zhvilluesve të aplikacioneve. Kjo çon në çmime më të larta për konsumatorët ", tha një deklaratë e KE.

Vestager tha në twitterin e saj se përfundimi paraprak i KE ishte se "Apple kishte shkelur ligjin e konkurrencës së BE, pasi ngarkon me tarifë të lartë komisioni për rivalët në App Store dhe i ndalon ata të informojnë për alternativat " .

Rregullatorët e KE dhe SHBA kanë hetuar App Store për dy çështje - nëse Apple lejon krijuesit e aplikacioneve të informojnë përdoruesit për opsionet e tjera të blerjes jashtë aplikacionit të vet dhe komisionin prej 30% që ajo ngarkon për blerjet brenda aplikacioneve.

E ndodhur nën presion nga krijuesit e aplikacioneve dhe rregullatorët, Apple ka ulur normën e komisionit në 15% për çdo krijues.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ditë me diell e temperatura deri në 28 gradë celsius, parashikimi i motit për sot

Ditë me diell e temperatura deri në 28 gradë celsius, parashikimi i motit për sot