POP 5

Lajmet më të lexuara të 5 minutave të fundit

Bota

BE arrin marrëveshjen për reformën e ligjeve për emigrantët

Ambasadorët nga 27 vendet e BE arritën marrëveshjen për reformën e emigracionit në Bruksel pasi Italia dhe Gjermania gjetën një zgjidhje në minutën e fundit, pas konflikteve. Qëllimi i BE-së është që reformat e ngecura prej kohësh të bëhen ligj përpara zgjedhjeve europiane në qershorin e ardhshëm

BE arrin marrëveshjen për reformën e ligjeve për emigrantët

Vendet e Bashkimit Evropian nënshkruan të mërkurën një marrëveshje se si të trajtohet emigracioni i paligjshëm, duke bërë një hap drejt rishikimit të rregullave të azilit dhe emigracionit përpara zgjedhjeve evropiane vitin e ardhshëm.

Ambasadorët nga 27 vendet e BE arritën marrëveshjen për reformën e emigracionit në Bruksel pasi Italia dhe Gjermania gjetën një zgjidhje në minutën e fundit, pas konflikteve. Qëllimi i BE-së është që reformat e ngecura prej kohësh të bëhen ligj përpara zgjedhjeve europiane në qershorin e ardhshëm, raporton Reuters.

“Sot kemi arritur një hap të madh përpara në një çështje kritike për të ardhmen e BE,” tha ministri i brendshëm i Spanjës Fernando Grande-Marlaska, vendi i të cilit mban presidencën e radhës të BE-së.

Nënkryetari i Komisionit Europian Margaritis Schinas e quajti  “hallka e fundit e munguar e planit” dhe u kërkoi shteteve dhe parlamentit të BE që tani të vazhdojnë me negociatat e stërzgjatura për ta bërë atë ligj.

“Koha po mbaron. Ne kemi nevojë që plani të miratohet para se europianët të dalin për të votuar’, tha Schinas.

Cikli i ardhshëm në politikën e BE-së mund të shohë një ndryshim politik në parlament, duke pasur parasysh ngritjen e partive të krahut të djathtë në disa vende të BE-së.

Pasi të zbatohet, Pakti i ri për Emigracionin dhe Azilin pritet të lehtësojë presionin mbi të ashtuquajturat vende të vijës së parë si Italia dhe Greqia. Vendet që kundërshtojnë pritjen e azilkërkuesve, mes tyre Polonia dhe Hungaria, do t’u kërkohet të paguajnë ata që pranojnë emigrantët.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57