BE, më shumë se gjysma e të rriturve plotësisht të vaksinuar kundër COVID

Dyqind milion evropianë janë vaksinuar plotësisht kundër COVID-19 ose thënë ndryshe më shumë se gjysma e popullsisë së rritur, ka deklaruar ditën e sotme Komisioni Evropian.

Ndërkohë që është ende larg arritjes së synimit të paracaktuar nga Komisioni për të vaksinuar 70 për qind të qytetarëve të BE këtë verë.

Deklaratën e ka bërë sot publike Zëdhënësja e Komisionit Evropian Dana Spinant , e cila theksoi se 54.7 përqind e të gjithë të rriturve të BE janë inokuluar plotësisht.

Gjatë kësaj jave BE tejkaloi Shtetet e Bashkuara në përqindjen e njerëzve që kishin marrë të paktën një dozë , me rreth 81 doza vaksina të administruara për 100 njerëz në të gjithë unionin. Sidoqoftë, pabarazitë në marrjen e vaksinës në vende të ndryshme janë të larta.

Holanda dhe Finlanda kanë vaksinuar plotësisht më shumë se 82 dhe 78 përqind të të rriturve. Por vetëm 31 përqind e njerëzve kanë marrë të dyja dozat në Rumani, ndërsa në Bullgari më pak se 20 përqind e njerëzve kanë marrë vetëm njërën dozë.

TAG:
• BE
• Koronavirus
• Vaksina Covid