POP 5

Lajmet më të lexuara të 5 minutave të fundit

Kosova & Rajoni

BE nuk ka besim tek Serbia për çështjet e sigurisë, thirrje Beogradit të përshtatet me politikat e Brukselit kundër Rusisë

Bashkimi Europian nuk ka besim te Serbia dhe për këtë arsye po mban qasje të caktuar ndaj saj sa i takon fushave të ndryshme të bashkëpunimit.

BE nuk ka besim tek Serbia për çështjet e sigurisë, thirrje Beogradit të përshtatet me politikat e Brukselit kundër Rusisë

Zëdhënësi i BE, Peter Stano

Bashkimi Europian nuk ka besim te Serbia dhe për këtë arsye po mban qasje të caktuar ndaj saj sa i takon fushave të ndryshme të bashkëpunimit. Radio Evropa e Lirë shkruan se burime evropiane në Bruksel kanë përsëritur se i shohin qëndrimet e Serbisë lidhur me Rusinë, me shumë skepticizëm.

Raportet e afërta mes Beogradit dhe Moskës kanë ndikuar që BE të ketë një qëndrim shumë të kujdesshëm në takimet me zyrtarë serbë ku flitet për çështjet e sigurisë.

“Të gjitha institucionet dhe të gjitha vendet anëtare janë të vetëdijshëm për lidhjet që autoritetet zyrtare kanë me Moskën në fusha të ndryshme, prandaj e trajtojmë Serbinë në mënyrë përkatëse. Me fjalë të tjera, kur është fjala për konfidencialitetin, sigurinë, mbrojtjen, shërbimet e zbulimit dhe interesat strategjike të BE-së, Serbia ka shumë pak kredibilitet në sytë e partnerëve evropianë.”, thuhet në reagimin e BE.

Zëdhënësi i BE, Peter Stano i ka bërë thirrje Beogradit zyrtar që të përshtatet me politikat e Bashkimit Europian lidhur me Rusinë.

“Bashkimi Evropian ka qenë shumë i qartë me partnerët tanë, përfshirë vendet kandidate si Serbia. Raportet me Rusinë nuk mund të jenë si një punë e përditshme sikur të mos ketë ndodhur asgjë në kohën kur regjimi i Putinit vazhdon agresionin e paprovokuar dhe të pajustifikuar në Ukrainë.”, u shpreh zëdhënësi i BE.

Serbia mbetet i vetmi vend në rajonin e Ballkanit Perëndimor që nuk ka mbështetur sanksionet e BE-së kundrejt Rusisë për luftën në Ukrainë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

17 Nëntor, 20:04